Ieu lac sabaoh negar hu ngan ba drei tame pambuak praong dalam, Viet Nam gam ralo kandah trak meng dom asal kadha oh lagaih di langiu, gam haong bruk kanjah jhak bala di langik tasik, jit ruak dui atah. Min, 5 thun tapa taneh ia hu truh tapa “riyak sanak”, mek hu rilo jak jeng naih gheih. Tui TS Thạch Kim Hiếu, Phaok akaok khoa Padang Ndang, Hoc vien pato pakai Urang jakar ban raya Ho Chi Minh, bruk jak jeng naih gheih abih lac Viet Nam jeng khik tani tanat saong patagok. Cakrok patagok kinh te kuhria rah tapa labaih 6,3%/thun, daok dalam kapul glaong di labik saong dunya. GDP thun 2025 kuhria hu labaih 510 ty USD, tagok 1,47 mbang dut haong thun 2020.

"Urak ini, GDP Viet Nam dang dak di 32 dalam dunya; GDP kuhria rah tapa tui yaok urang hu labaih 5.000 USD, tame kapul negar hu jien mek tame kuhria rah tapa glaong, hu rilo kapul dunya hu angan taong yaom glaong."

Dalam tukvak ini, Viet Nam hu brei oh daok baoh sang taik tahak dalam negar; patrun dom baoh sang kathaot rilo gah meng 4,4% thun 2021 trun daok 1,3% thun 2025; jhul khang bruk ngak Danak dak buh jien tame takik abih 1 trieu baoh sang rahra. Tanut patagok menuac urang (HDI) hu pasiam mboh cambaih laih, tanut haniem phol tagok 33 tal dut haong akaok tukvak, dang ka 46/143 negar.

Ngak bruk pambuak haong negar langiu: Viet Nam hu ngak pambuak bruk haong 194 negar, dalam nan hu 14 gah pambuak bruk taong abih, 11 gah pambuak bruk saong 14 gah pambuak bruk taong abih.

Dalam puac tukvak sa nhiem ky, Viet Nam ngak jeng bruk salih bahrau dalam bruk ramik caga bruk majam politik tui jalan ramik daok takik, khang, siam lagaih, mek hu rilo jak jeng siam glaong samar chip. Bruk karja palei dua pakat yaom lac daok rilo kan kandah tuk taduan dom jak jeng akaok meti.

Thac si Vũ Thế Tuyền, Akaok Khoa Jak ba, pato pakai Urang jakar Ban raya Ho Chi Minh dahlau diah ndom mayai lac: gah pasiam, langyah catang dom bruk suan ngan haong kadha “oh hu bhum pakauk, oh hu bruk karei” hu ngak catang, siam lagaih.

"Bruk di rahra dalam bruk pacang caga tham nhung mbang jien padai oh njauk tui adat hukum brei hu ngak khang jang. Tangi mata di rahra meng hu praong abih. Drei caong tame Uy mban Pasang iek, jabat karja lac sa gah min brei patagok bruk di rahra. Jak ba rahra tame raidiuk ini. Ini lac khamang di dalam nan grauk abih rahra jeng brei hu mbaok tame, oh meda dang di langiu hu."

Tui PGS.TS Hà Minh Hồng, Phaok Akaok Pahasa Kapul Khoa hoc – Sajarah Ban raya Ho Chi Minh, ini lac bruk ndang drei bhian ngak piah ngak quyền dân chủ. Asal kadha hu mkana lac ngak yau habar bruk rik daong ini brei ka lagaih, plaih caga bruk ngak ka hu, piah pabak ginup dom panuac ndom meyai abih tung tian piah padang taneh ia nagar.

"Dom asal kadha rahra khin ndom mayai tal, bruk abih tung tian di rahra ngan haong karja, haong Ndang, rilo meng lac ndang pan bruk dalam tukvak urak ini ye khol dahlak hulin brei pandar. Baoh panuac yau habar, buh abih tung tian yau habar. Meda hu baoh panuac urang oh ka langyah hu abih ye khol drei brei duah mboh dalam nan. Nan meng ba mai siam lagaih di urang rahra pan akaok bruk."

PGS.TS Hà Minh Hồng ndom lac: “Nyaom roya XIV oh lac sa nyaom roya tui tukvak, bo dom asal kadha di tukvak daok peih akaok sa bruk suai atah, peih tabiak sa tukvak bahrau – jaman pok drei patagok. Bahrau blaoh, rilo bhum palei, dom mentri, dom gah hu peih Nyaom roya ka I, lac tame sa tukvak bahrau. Saong Nyaom roya XIV di Ndang jeng lac peih akaok meti brei ka sa tukvak patagok bahrau./.