Peih ngak 3 danak dak bruk ngak negar (palei pala bahrau, patruh eik patrun kathaot khang kajap saong cak rok patagok kinh tế - xã hội bhum bangsa takik saong bhum ceik), Đắk Lắk hu jao brei jaik 2.320 tỷ đồng. Dalam nan, Danak dak cak rok patagok kinh tế - xã hội bhum bangsa takik saong bhum ceik meblah rilo di abih, ngan haong phun jien labaih 1.000 tỷ đồng; Danak dak patruh eik patrun kan kanthaot khang kajap hu jao labaih 382 tỷ đồng; Danak dak padang ngak palei pala bahrau hu jao labaih 927 tỷ đồng.  Langiu phun jien di kadung jien karja, Đắk Lắk jak ba hu labaih 1.542 tỷ đồng dalam 3 thun 2021, 2022 saong 2023 piah peih ngak danak dak bruk ngak negar ka padang ngak palei pala bahrau. Ong Phạm Ngọc Nghị, akaok UBND tỉnh, Akaok mban pato tacei dom Danak dak bruk ngak negar di tỉnh Đắk Lắk brei thau, tukvak anak tal, tinh kham marat taoh talaih dom kan kandah tavak tavaiy, piah ka dom danak dak hu kein lagaih glaong di abih. Dalam nan, bruk taneh daok, taneh pala drak dalam bhum bangsa takik meda hu tinh brei ngak dahlau piah langyah, khik ka mikva bangsa takik tani tanat raidiuk:“Kathaot ye daok hu rilo makna bo dahlau di abih urang jeng daok ndom lac kurang taneh pala drak, taneh daok, kurang dom janih piah ka mikva peih bruk ngak mbang, pala drak hu jien mek tame. Kol dahlak hulin daok pataom tame ka danak dak bangsa takik di bhum ceik ye bruk ngak dahlau abih di Tỉnh ủy, Ủy ban jeng lac taneh ngak mbang, pala drak, taneh daok ka mikva. Kol drei meda ngak hu rilo bruk karei bo mikva daok kurang taneh ngak mbang, pala drak, taneh daok, kurang dom janih ka raidiuk ye nyu oh hu makna hagait.”

Bahrau blaoh, di ban Pleiku, hu rah tabiak nyaom biai piah taong yaom bruk peih ngak Sarak di Ban Thường vụ Tỉnh ủy Gia Lai ka “patagok bruk pan akaok di dom pakat ủy ka padang ngak palei pala bahrau dalam bhap bini bangsa takik”. Tui pathau khan, 5 thun tapa, dom puk palei dalam tinh jak ba hu labaih 1.500 tỷ đồng piah padang ngak palei pala bahrau dalam bhum bangsa takik. Dalam nan, kadung jien karja jaik 1.300 tỷ đồng, phun jien doanh nghiep daong jaik 24 tỷ đồng, phun jien rahra rik tame labaih 153 tỷ đồng, phun jien masaiy 43,5 tỷ đồng. Hadei di 5 thun, urak ini dalam tinh hu 110 puk palei urang bangsa takik mek hu tanut chuan palei pala bahrau, raidiuk di mikva dak harei dak tagok. Min, bruk peih ngak 3 danak dak bruk ngak negar di dom tỉnh Tây Nguyên jeng daok gaok rilo kan kandah. Ong Trương Thế Vinh, urang jakar ngak bruk bangsa di huyện Ia Grai, tỉnh Gia Lai ndom lac: “Hu rilo văn bản di tinh ka oh hu samu duk haong tuk peih ngak danak dak, abih di nyu nan lac di labik ka oh hu pato tacei cambaih laih. Abih di nyu nan lac, Danak dak 1 daong sang daok, taneh riya, taneh pala drak tui sarak 04 di Thủ tướng Rajaei ye daong taneh daok lac 44 trieu sa baoh sang saong taneh pala drak 22 trieu sa baoh sang ye kan piah peih ngak. Taneh pala drak ka mikva ye yaom  biak glaong, meng yaom jien daong yau nan saong phun jien brei masaiy yau nan, mikvak oh blei ginup taneh piah pala drak, padang ngak sang danaok”.

Di Kon Tum, bahrau ini, hu labaih 100 dam dara tỉnh Kon Tum jeng hu mbaok tame Danak dak taom gaok, ndem mayai nao mai haong Akaok UBND tỉnh, ngan haong kadha “patagok bruk ngak di dam dara dalam bruk peih ngak dom Danak dak bruk ngak negar di dalam tỉnh Kon Tum”. Akaok UBND tỉnh Kon Tum Lê Ngọc Tuấn brei thau, ini lac dom asal kadha hu makna praong ba tabiak jalan ka dam dara dalam bruk hu mbaok tame dom danak dak praong rik daong peih ngak jayah dom bruk kinh tế- xã hội thun 2023 di tỉnh.“Mban Thường vụ Tỉnh đoàn, dom Huyện đoàn, Thành đoàn peih ngak siam dom danak dak bruk ngak cách mạng hu praong dalam, ba jalan ngak, khang kajap, duah jalan ngak bahrau. Dalam nan, pataom tame dom bruk yau ye pathau khan ka padang ngak palei pala bahrau, patrun baoh sang dam dara kan kathaot, hu mbaok tame padang ngak, ramik pasiam jalan mbak palei pala saong tatua. Padang ngak dom bruk pambuak gauk cak rok patagok kinh te di dam dara”./.