Di huyện Mỹ Tú, rah ra bangsa Khmer hu labaih 24% dalam bhap bini. Masa tukwak blaoh huyện tuk halei jeng caik hatai pato tacei siam dom jalan sarak brei ka urang bangsa jeng ye brei ka urang Khmer. Dalam nan bruk pato bruk ngak, bruk lang yah bruk ngak brei ka urang Khmer mboh ngak siam. Tal ini, jien mek tame tui akaok manuac di urang bangsa Khmer hu labaih 63 triệu đồng sa urang sa thun.

Ong Danh Chum, urang Khmer di xã Thuận Hưng, huyện Mỹ Tú uan tabuan brei thau lac, labaih 3 thun dalau, sang di ông daok dalam kapul baoh sang urang kathaot, sang oh hu taneh ngak mbang, diuk mbang apah, rai diuk biak kan daman. Thun 2022, karja palei daong padang sang daok, lamo manek haong jien phun salih tapa pablei salih sit yau nan ye raidiuk di ong dak harei dak mboh patrun kan kandah.

Saai Châu Thị Muỗi, akaok UBND xã Thuận Hưng, huyện Mỹ Tú khan brei thau, thau lac bruk ngak patruh eik patrun kathaot, ralo di nyu dalam nan hu bruk patruh kathaot di bhum palei urang bangsa takik mboh njauk caik hatai praong. Yau nan ye, UBND xã ngak sahumu gauk taong abih janih cara patruh eik karo; chul khang kadha dakwah jak ba, piah ka bhap bini rahra thau tantu cambac, jalan pato tacei, jalan truh eik kathaot karo kajap di karja. Dil sumu khan yaih urang naik joi, jalan ngak siam piah brei pacambak praong dalam xã yau ye bruk raong lamo ia tasau, lamo manek, pala njam patam, raong njuak lasa…

Piah ngak njauk ngak siam di dalam patrun kathaot di bhum palei urang bangsa takik, ban Ngã Năm brei chul pakhang bruk pato bruk ngak panak patut harei brei daong bruk ngak, daong mek hu jien dalam tuk wak daok thaoh di bhum palei urang bansga takik. Tui ông Huỳnh Văn Lơ, Akaok jabat Lao động - Thương binh và Xã hội ban Ngã Năm yaok thun, ban hu 400 hộ baoh sang tapa truh kathaot, jaik 500 baoh sang jaik truh kathaot.

Langiu di nan, meng di dom danak dak nagar, bhum palei padang ralo danak dak, dak yam sampurna siam makre brei ka jalan mbak, brei ka ngak nông, daong kein raba ka mikwa pablei salih, kajap karo dalam bruk ngak mbang daong patruh eik kathaot karo.

Saai Huỳnh Thị Miễn, Akaok dhan kapul Kumei palei Vĩnh Hòa, xã Vĩnh Quới brei thau lac, taong abih dalam palei hu labaih 250 baoh sang, dalam nan labaih 90% baoh sang pak gak ngak mỹ nghệ, yaok baoh sang hu meng 1 - 3 urang tui ngak, yaok urang dalam sa harei duah hu meng 150.000 - 200.000 đồng sa harei.

Ong Danh Sơn khan brei thau lac, sang di ông oh hu taneh ngak mbang yau nan ye dalau diah daok di dalam kapul urang kathaot. Meng di tuk tui tal bac bruk ngak panak harei brei thau pak hala lục bình jeng ndap nda mỹ nghệ, rai diuk hu tagok jang dalau, sang danaok truh di kathaot meng puac abih thun 2023 mai. Dom thun mai, mai meng pak gak mada daong hu mikwa Khmer duah hu jien meng 4-5 triệu đồng/tháng.

Tui akaok UBND tỉnh Sóc Trăng,  Ong Trần Văn Lâu lac, masa tuk wak blaoh, kayua ngak siam ralo janih cara, bruk patrun kathaot mada mboh siam lagaih. Kuria tal bih thun 2023, tong abih dalam tinh daok labaih 8.500 baoh sang urang kathaot. Yaok thun mboh trun 2%/năm; dalam nan, urang Khmer khathaot trun 3%/năm. Akaok UBND tỉnh Sóc Trăng Trần Văn Lâu pok sap lac, dom pakat ủy, karja palei caik hatai dom janih daong ba di pakat nagar; tỉnh jak ba kham marat dom prein yawa saneng kuria ka raidiuk mikwa, daong ba urang bangsa dalam nan njauk caik hatai tal urang Khmer sanang hatai ngak mbang dak harei dak khang takai truh ieik kathaot karo.

Pahasa Kapul Jumpataom sư sãi ranam nagar tỉnh, dom ong ong acar ong thum urang Khmer gam dak wah jak ba urang Khmer ngak siam dom bruk ngak tui jalan di Đảng, sarak karja, hukum di nagar, kham marat yam tagok ngak ka kinh tế siam makre; caga ka njuauk ka lagaih, saron mbon rai diuk; patagok bruk jumpataom, ngak njauk tui jalan sa tung sa hatai haong pakat Đảng, karja ngak njauk tui brul dak padang patagok kinh tế - xã hội./.