Mai tal bhum ceik Phước Bình, huyện Bác Ái, tỉnh Ninh Thuận dalam dom harei jaik Tet ini, tuk phun glai daok salih hala ye bein phun mbang baoh lac: 300 phun kruac bhung kalik hijao, 50 phun durain, chôm chôm di sang ong Katơr Quỳnh daok pak palei Hành Rạc 2 jeng daok hijao mekre. Dalam tuk bein durain daok tabiak bingu, ye bein phun kruac bhung daok cang paik baoh pablei Tết.   

Taduan parak kol dahlak dalam baoh sang bahrau padang ngak jaik tỷ đồng jaik taphia sang tuai meng kan di urang Raglai, urang ndang labaih 30 thun umo ndang chreih chrai brei thau lac: Dahlau deih, sang ong tok thau pala phun pa-aok blait saong dom janih phun katut harei yau ye tangei, ratak, nan ye kein laba oh glaong. Meng tuk hu kanja jak ba salih janih phun pala, sang hu salih jaik 2 ha tapa pala kruac bhung kalik hijao, durain saong chôm chôm, pambuak haong bruk ngak du lich sinh thái bein brei jien mek tame labaih 150 triệu đồng sa thun. Meng nan, ong jak ba, pato tacei rahra salih janih phun pala piah cak rok patagok bruk ngak mbang, duah jien. “Urang ndang njauk ba akaok nao dahlau, nerak tachrauk, alam moi truong, jalan mbak nao mai njauk hacih, hijao, saong hu rilo halui. Jalan ngak du lich bo oh hacih ye thei bo mai tal. Meng hatai sahaneng di drei, njauk pathau khan, jak ba piah ka mikva pang saong ngak tui, ye drei njauk ngak dahlau. Drei ngak dahlau di abih lac ka drei, ka anek kamuan di drei, hadei di nan meng peih praong bruk ngak tabiak dalam rahra.”

Sarak di Nyaom roya Đảng bộ xã Phước Bình, huyện Bác Ái hu ba tabiak bruk ngak saong jalan ngak dalam bruk ngak brei madeih saong patagok prein rahra hu mbaok tame cak rok patagok kinh tế - xã hội dalam palei. Jak ba rahra salih jalan sahaneng, jalan diukrai piah gam haong palei pachreih tui bruk ngak “Du lịch sinh thái saong ilamo rahra”, bo dom urang ba akaok nao dahlau lac dom urang ndang lac urang Raglai. Tal urak ini, dalam xã Phước Bình hu 120 sang urang Raglai hu mbaok tame, dalam nan hu 60 sang pabak hu bruk ba tabiak  saong hu hatai caong hu mbaok tame cak rok patagok du lich rahra.

Amuk Pi Năng Thị Cô, Phó Bí thư Đảng uỷ xã Phước Bình, huyện Bác Ái brei thau, meng tuk hu sarak cak rok patagok du lich, mikva daok pak ini hu salih jalan sahaneng dalam bruk pambuak gauk ngak mbang piah cak rok patagok kinh te sang. “Abih di nyu nan lac salih janih phun pala. Meng nan tal urak ini, lac salih bahrau cambaih laih, mikva thau pablei salih, thau hu rilo gah. Pak ini hu 5 bangsa adei saai lac: Kinh, Cam, Raglai, Churu min biak jumpataom gauk, karei jang dahlau. Urak ini salih karei biak rilo”.

Meng dom bruk ngak hu, gah Ilamo, Thể thao saong Du lịch hu ba jalan ka UBND huyện Bác Ái, tỉnh Ninh Thuận patui bruk ba tabiak danak dak bahrau tukvak 2023 – 2025 saong pamaong tal 2030 ka bruk cak rok patagok du lich. Dalam nan, pataom tame peih praong, ngak pasiam dom pandap panda du lich rahra pak xã Phước Bình. Ong Trần Văn Toàn, Akaok Jabat Ilamo Khau tin huyện Bác Ái brei thau, bruk ngak du lịch rahra lac bruk bahrau dalam patagok dom gah kinh te dalam huyện. “Patui veik dalam thun 2024 ini gam peih praong dom baoh sang piah cak rok patagok du lich, gam haong nan, dom baoh sang hu angan blaoh dalam thun 2022, 2023 daok ngak pasiam, hu ilamo jang, ba tame ngak tui adat, khik ramik brei pandar hu ilamo saong hu prein pambak tabiak dalam rahra, piah daong ka rahra sa tangin haong gauk cak rok patagok du lich rahra.”

Piah rik tame bruk ba Phước Bình cak rok patagok jeng palei du lich rahra angan je dalam tukvak anak tal, dom urang ndang lac urang Raglai di xã Phước Bình, daok paglaong bruk ngak di drei dalam jak ba rahra gam haong bhum palei hu mbaok pachreih tui bruk ngak  “Du lịch sinh thái saong ilamo rahra”./.