Hop tac xa (HTX) Ngak nong Tuấn Ngọc di ban raya Ho Chi Minh peih ngak dalam gah ngak nong ilamo ngak kong pakat glaong. Meng camreip, HTX tok daok dalam Ban raya Ho Chi Minh, min tal ini hu peih praong bruk pambuak ngak mbang saong pabak njam hacih sa-at hu rilo dom tinh karei…

Yaok bilan ba tabiak darak pasar labaih 27 tan njam hacih sa-at rilo janih, HTX daok hu daong phun jien, taneh riya piah pandar ilamo khoa hoc kong nghe tame ngak mbang, tagok bruk ngak hu. Bruk daong ini mai meng rilo jalan, sarak di Trung uong saong Ban raya ka bruk pandar ilamo kong nghe glaong, patagok kinh te kapul… Sa-ai Lâm Ngọc Tuấn, Yam ndok HTX Ngak nong Tuấn Ngọc je lac, meyah hu cara jalan lagaih, HTX brei hu kein lagaih peih praong bruk ngak, paglaong asar siam kaya nong, rik daong siam lagaih jang ka bruk patagok di gah ngak nong Ban raya Ho Chi Minh. Kayua yau nan ye, sa-ai Lâm Ngọc Tuấn caong takre biak praong di dom sarak hu ba tabiak di Nyaom roya Lambaok vakil lambaok urang dalam negar mbang ka XIV di Ndang.

“HTX Tuấn Ngọc khol dahlak hulin caong takre dom sarak daong ka taneh riya, phun jien brei mesraiy laba lap hu brei atah harei jang, ilamo khoa hoc kong nghe jeng yau salih lek taka so dalam gah ngak nong ilamo kong nghe glaong. Ini lac dom asal kadha hu makna piah dom HTX oh lac daok hu ngak mbang blaoh daok patagok karo kajap, ba drei tame dalam jang tame majam yaom kaom kaya nong.”.

Kongti Co phan Yaih khan saong Jhul tagok Pablei salih Đông Nam, yaom lac oh ka hu kapul Ndang min kapul kongti caik rilo bruk sangka tal Nyaom roya XIV di Ndang. Tui sa-ai Nguyễn Thanh Đảo, Tong Yam ndok kongti, bruk sangka nan lac kayua tukvak kapul kongti mboh dom jalan ngak, paglaong bruk di kinh te ta-eng menuac urang lac lagaih haong bruk daok rah tabiak, pabak hatai caong lagaih saong caong khin di gah ngak mbang pablei salih. Kayua yau nan gah ngak mbang pablei salih, caong khin jalan ngak di Ndang pambuak rilo jang dom gah ngak mbang pablei salih praong khik bruk yau dom siak ciim akaok tapol, daong gah ngak mbang pablei salih sit saong gap mbiah. Sa-ai Nguyễn Thanh Thảo ndom meyai lac:

“Khol dahlak hulin caong lac dalam gah kinh te hu Sarak 68 ka gah kinh te hu Sarak 68 ka gah kinh te ta-eng menuac urang, Sarak 57 ka bruk patagok ilamo khoa hoc kong nghe, dom sarak ka patagok y te, pato megru…ye Nyaom roya jeng brei jalan ngak peih ngak biak tantu saong jeng hu dom jalan langyah tantu.”

Meda mboh, bhap bini gah ngak mbang pablei salih urang daok dam dara Ban raya Ho Chi Minh pamaong tal Nyaom roya XIV di Ndang meng sa nang luong bahrau, srap gap ka bruk patagok. Rilo gah ngak mbang pablei salih ndom lac, luac tukvak tapa, rilo meng lac tuk Ndang hu dom sarak hu kuhria peih jalan ka kinh te ta-eng menuac urang, ba drei tame dunya, pandar prei jhul di khoa hoc kong nghe, di salih bahrau hadah krah…ye bhap bini gah ngak mbang pablei salih biak lac hu kein lagaih rik daong rilo jang ka kinh te taneh ia.

Tui sa-ai Lê Trí Thông, Akaok Kapul Urang Ngak mbang pablei salih sit thun umo Ban raya Ho Chi Minh, dom sarak ini daok peih kein lagaih, peih tabiak jalan bahrau, bruk ngak bahrau dalam bruk pandar kinh te saong dom kan kandah bahrau piah gah ngak mbang pablei salih meda rik daong tame bruk cakrok patagok haong gauk. Sa-ai Lê Trí Thông brei thau lac:

“Abih urang jeng biak chreih chrai saong biak bui sambai ottanot caong khin dom khau tin tantu dalam Nyaom roya ini. Biak nao khol dahlak oh taong abih lac cang, bo khol dahlak srap gap blaoh paje. Tui dom kadha ka sarak, dom sarak daok hu ba tabiak saong khol dahlak jeng srap gap blaoh, jeng hu caga piah yam tame jalan pakacah. Khol dahlak caong maong lac di angaok jalan daok nao tal brei patui veik hu dom sarak bahrau, hu pabak prein bahrau piah khol drei nao samar jang veik”.

Bruk caong takre di dom urang ngak mbang pablei salih sit thun umo, dom gah ngak mbang sit saong gap mbiah bahrau tame Nyaom roya mbang ka XIV di Ndang brei mboh bruk daong saong caong khin rik daong tame bruk patagok di Ban raya Ho Chi Minh saong taneh ia nagar. Gah ngak mbang pablei salih caong takre tame bruk salih bahrau, bruk ngak catang meng Nyaom roya piah salih dom jalan ngak ngak praong jeng biak, brei daong prein khang ka bruk pasiam saong bruh brok cakrok samar di kinh te./.