Dom harei akaok bilan 9, angaok mblang hamu xa Hung Long, sap jammariak yuak yava gam gam haong sap ndom klao di urang ngak nong brei thau ka sa bilan yuak kuak mek hu rilo padai brah. Pambuak pagam rilo thun haong pajaih padai ST25, baoh sang ong Trần Mỹ Huê (palei 18) daok jan van haong bruk yuak 9.000 m² padai huu co.

Ong Huê bui sambai khan mayai lac, thun dahlau hajan angin rilo, padai jaleih, daok thun ini padai cak rok siam, baoh karaoh mek ghu jeng glaong. Ngan haong mblang taneh ini, baoh sang ong yuak kuak hu labaih 2,6 tan, glaong jang mbang ngak padal bilan dalau jaik 200 kg.

Kadha bui sambai daok pambak prong tabiak dom baoh sang urang nong dalam bhum. Dalam dom hatai chreih chai bui sambai di bilan yuak kuak, kadha bui sambai uan tabuon raok Harei bangsa Negar 2/9 daok pabak brei jang pren khang piah ka mikva peih prong jalan ngak padai huu co. Ong Trần Mỹ Huê brei thau: “Thun ini mboh padai brah njauk, kadha brei ndom mayai lac bruk njauk padai brah paje blaoh daok njauk yaom glaong kayua yau nan ye mikva thei jeng bui sambai. Hadei di tukvak pandar ngak mek hu baoh jeng siam mekre, mong mboh nan rilo mikva jeng ndom haong gauk lac meda panduan salih tapa ngak padai huu co saong peih prong jang mblang taneh ngak padai …”

Mbnag bilan padai he thu yang ka klau bruk ngak padai ST25 tui jalan ngak huu co hu peih ngak iek saong patui veik brei baoh karaoh glaong di puk palei. Gam saong bruk daong di Kong ty TNHH pablei tabiak blei tame ABZ, urang ngak nong hu brei blei tame taong abih padai brah ngak tabiak, pabak brei dahlau pandap panda ngak nong ngan saong yaom jien tani tanat gam hu brei ba-yar hadei di yuak kuak blaoh. Ta-eng Mbang ngak padai bilan he thu ini, yaom blei tame padai that di hamu meng 12.100 đồng/kg, sa tanut yaom biak glaong ngak brei ka urang thei thei jeng bui sambai. Klah rabha jang kadha bui sambai ini, ong Nguyễn Văn Hai, urang ngak nong xa Hưng Long, brei thau: “Vu ini oh njuak angin ribuk ngak jaleih phun padai nan lac mikva uan paje, padai dang tapa hu kayua ini lac tukvak hajan ribuk, blaoh pablei hu yaom tra, kayua yau nan ye dahlak saneng lac urang ngak padai di puk palei thei thei jeng bui sambai”

Bruk ngak ini hu rilo baoh sang urang nong njauk hatai, tui mata ieik tal sa bruk ngak nong hacih. Hadei di ba pataom, xa Hung Long hu pren khang prong ka mblang taneh ngak nong piah patui ngak saong pambak prong dom bruk ngak mek hu baoh jeng siam mekre meng di dom xa klak yau: Hưng Long, Qui Đức, Đa Phước. Tal urak ini, taong abih mblang taneh ngak padai ST25 huu co dalam xa hu jaik 30 ha.

Tui amuk Nguyễn Thị Ngọc Hạnh, Mbik thu Ndang uy xa Hung Long, taneh riya vu mua jayak nan lac kadha bui sambai piah ka xa patui jalan ngak brei cak rok patagok bruk ngak nong bahrau. Dalam tukvak masa 2025-2030, Ndang uy xa hu ba tabiak jalan ngak patagok pambuak bruk haong dom pakat so, nganh piah daong ka mikva gah ilamu, pato pathram, phun anek pajaih. Taphia di nan, xa jeng caik hatai tal bruk pambuak pagam dom jalan ngak daok hu peih ngak, pamong tal dak padang dom hop tac xa, to pambuak bruk piah ngak jeng majam pambuak bruk ngak saong blei tame ka nyu hu karo tani tanat.

“Anak mata tal ye Ndang uy xa gam haong Kapul nyaom ngak nong saong dom kapul nyaom politik chính trị xã hội dalam xa patui veik sangka, peih ngak cambaih laih jang ngak yau habar piah pambuak bruk siam mekre dom jalan ngak daok peih ngak mek hu baoh jeng siam mekre, pamong tal dak padang dom hop tac xa atau to pambuak bruk… Kadha ini meda hu peih ngak aval jang piah pambuak bruk siam mekre jang bruk ngak tabiak, blei tame siam di abih dalam tukvak anak tal piah daong ka mikva grap tanat ngak mbang ngak huak.”

Meng kadha bui sambai di yaok baoh sang urang ngak nong tal jalan ngak atah dua di puk palei, Hung Long daok brei mboh bruk pandual salih biak khang. Baoh jeng siam mekre hadei di 3 mbang ngak padai gam gam oh lac brei thau ka kadha siam gheih di sa bilan yuak jayak, bo daok lac sa labik pambak piah ka xa langiu ban HCM brei mboh ka pren khang di bhum taneh ngak tabiak padai hacih, khang kajap daok di kreh hatai ban raya prong abih dalam taneh aia./.