Urang Cam Ninh Thuan sangka patrun bruk menek,

paglaong chat luong raidiuk.

          Huyen Ninh Phuoc hu labaih 40 rabau urang Cam, meblah 32% menuac sia dalam huyen. Dom thun tapa, bhapbini Cam pak ini hu salih jalan sahanneg, njauk hatai gauk peih  ngak siam dom bruk kế hoạch hóa gia đình; sangka tui bruk sang hu 1 atau 2 urang anak, trun bruk menek anek ka 3 tagok. Meng nan, bruk menek di urang kumei umo thun ndih tapui dalam dom thun tapa khik hu tani tanat di tanut 2,1 bruk menek anek ka klau tagok daok patrun. Thun 2016, abih tih anek kamal ndih tapui tabiak dalam huyen lac 1.770 urang. Dalam nan, dom uranaih ndih tapui tabiak lac anek ka 3 tagok meblah 16,08%, trun duk saong thun 2011. Meng patrun bruk menek anek ka 3 tagok, chat luong raidiuk di bhapbini pak ini jeng hu pasiam, mikva hu jien padang ngak sang danok praong, siam, blei dom pandap panda dalam sang hu yaom yaok pluh triệu đồng. Bác sỹ Đàng Sỹ Cương – Giám đốc pasak dân số - kế hoạch hóa gia đình huyện Ninh Phước brei thau : Bruk menek rilo urak ini takik paje, mengkan menek 4,5 urang anek, urak ini rilo menek 1,2 rilo je. Taphia nan, ong amuk jeng kakei dom anek kham merat menek takik anek.”

Bruk salih bahrau mboh cambaih dalam bruk ke hoach gia dinh di huyen Ninh Phuoc njauk ndom tal xã Phước Hữu, labik hu labaih 17 rabau menuac min bruk menek anek ka 3 tagok urak ini tok daok 45 urang, meblah 20,7%. Piah patrun bruk menek anek ka 3 tagok, xã Phước hữu hu padang 26 urang pambuak bruk, iek gah dân số di grauk dom palei, dom khu phố; pambuak saong Kapul urang kumei xã apdang hu dua kalup kapul “ urang kumei oh menek anek ka 3 tagok”. Tapa dom mbang taom gaok yaok bilan di kalup kapul, dom var nyaom palei, khu phố hu pathau khan jak ba bhapbini, abih di nyu nan lac urang kumei dalam umo thun ndih tapui, urang kumei vị thành niên pandar dom janih plaih di metain ye : menyum jru plaih di metian, pandar bao cao su, pandap plaih di metain…sangka jhul khang bruk pathau khan, pablak dịch vụ pasang iek pren yava ndih tapui, kế hoạch hóa gia đình piah ngak siam dom chỉ tiêu ka dom jalan plaih di metian barau. Saai Đàng Thị Doanh – urang jakr iek gah dân số xã Phước Hữu lac :  Urak ini Cam drei thau sahaneng lac menek rilo anek lac kan kandah, sangka menek takik anek piah raong brei mbang bac ginup”

      Jeng yau xã Phước Hữu, bhapbini Cam xa Phuoc Hậu tuk halei jeng sangka ngak tui bruk patrun menek anek ka 3 tagok, dak padang baoh sang haniem phuan meng 1 tal 2 urang. Urak ini, anek ka 3 dalam xã tok hu jaik 22,7%. Saai Dương Ngọc Ân, urang jakar iek gah dân số xã Phước Hậu brei thau : Di  xã Phươc Hau ini mikva thau sahaneng ka bruk menek takik anek lac siam lagaih meng bruk pathau khan, jak ba. Mengkan pathau khan jeng rilo,  min mikva oh ka sahanneg mboh ka bruk ini. Meng menek takik anek, mboh sang thei jeng laneng lahei

        Saai Đào Thị Bích Liên hu dua urang anek, daok di palei Hiếu Lễ xã Phước Hậu brei thau, sang saai urak ini biak haniem phuan. Nan lac kayua menek takik anek,  nan ye sang saai hu jien piah raong anek mbang bac ginup, oh daok kan kandah yau amaik ame saai dahlau thiah. Saai khan lac : Mennggkan dom urang amaik drei sahanneng lac menek hadom jeng siam, kayua hu pok jakjeng ( ye Yun lac troi sinh voi sinh co) yau nan ye raidiuk biak kan kandah. Urak ini, bruk nan takik mboh paje, mboh takik anek raidiuk haniem phuan sang”

         Meng pathau khan gam gam bruk kế hoạch hóa gia đình piah paglaong akoak sahaneng, patrun bruk menek, gam saong bruk kham merat jak ba di urang jakar, bhapbini bhum urang Cam ngak tui bruk di pasak dân số - kế hoạch hóa gia đình huyện Ninh Phước lac yaok sang hu meng sa tal dua urang anek, bo urak ini menuac sia huyện ini patagok siam, chất lượng raidiuk di bhapbini Cam huyen NP jeng ye tỉnh NT dak harei dak hu paglaong; rik daong tame bruk patagok kinh te – xa hoi di huyen NP khang kajap taong abih gah./.

Thuy Linh