Dom kadha kanjah jhak di urang labaih kilo, lamek katul lamek bhi ngan haong rup pabhap

1. Mada ngak cuang kandah tal tung pruac: Lamek bhi ngak lamek labaih pagam tame dom quai tung ngak kandaong khak, aih gar. Bruk kandaong khak saong dom janih tathuak nerak hu pajeng tabiak dalam tuk salih mbuan ngak tamuh ruak ung thu tung taha. Langiu di nan lamek labaih pataom di gan njom lamek. Meyah oh caga taong padam ruak nyu ba tui barah baoh gan, xơ gan, srau kadau salih lamek, tagok bruk mbuan jeng randaih dalam phik.

2. Mada ngak cuang kandah tal atuk talang: Rup pabhap biak trak ngak kateik geik tal dom atuk saong talang ngak pandik akaok ta-uk, pandik ka-ing saong palak takai, gam haong nan ngak kan kandah tal bruk plaong nduac, mbuan ndak kanjah tal atuk, pandik lagah talang, ruak gout…, dom kan kandah atuk kayua lamek bhi njauk brei pasang iek saong taong ruak, plaih luai ka ruak tamuh jeng ruak suai man tinh kanjah brei ka rup oh dhit.

3. Mbuan ma-ik saradang: Lamek bhi ieu lac janih ruak ba tal dom te bao di rup pabhap pacang insulin ngak ka saradang oh hu dom te bao njuk tame ba tal saradang dalam darah tagok glaong, ngak mbuan njauk ruak ma-ik saradang tuyp 2.

4. Ruak hatai baoh: Tuk sa urang lamek bhi ye dalam mô lamek pataom rilo ye ngak tabiak rilo dom salih saong randap dalam hatai baoh. Piah pabak hu hatai caong salih janih tagok glaong, darah hu nduac lagaih, darah kandaong ralo saong hatai baoh jeng tagok, bruk tagok ini rah rah ngak tagok darah, gam haong nan tagok bruk kateik geik tagok hatai baoh, bruk ini ngak baong praong gah ieu, srau kadau bruk di tâm trương thất gah ieu saong ngak jeng ruak hatai baoh.

5. Dom asal kadha ka baoh hatai thận: Ruak thận ieu lac njauk kan kandah saong oh meda hu halang darah yau bhian. Labih kilo atau lamek bhi ngak mbuan njauk ruak ma-ik saradang saong darah tagok glaong, ruak ini hu mboh rilo abih ngak tabiak ruak baoh hatai suai (CKD). Di tuk urang ruak oh njauk ruak ma-ik saradang atau darah tagok glaong, rup pabhap trak jeng meda ngak tagok bruk njauk ruak baoh hatai suai saong jhul samar nao tal ruak trak.

6. Bruk slih janih ruak: Bruk salih janih ruak hu pambuak tal bruk labaih kilo, lamek bhi saong kurang bruk pasram padhih rup pabhap. Bruk salih ngak tagok bruk ruak hatai baoh, ma-ik saradang saong ruak matai daing - dot quy. Meyah njauk ruak mada mboh 3 dalam dom janih yau ye ka-ing praong, darah tagok, saradang dalam darah glaong di tuk en oh mbang, tanut cholesterol dalam darah biar.

Dui pataom hu thau lac: Rilo urang bhian sahaneng lac labaih kilo, lamek bhi ngak kan kandah tal thaik rup, ngak jhak thaik rup kayua mbang huak biak rilo. Min ruak ini dui suai mạn tính hu Kapul y te dunya WHO mbaoh tangin di thun 1990. Kayua ruak bhian tamuh kandauk, oh nao pasang iek ruak saong pasang khik kilo ka njauk lagaih. Kayua yau nan, meyah drei hu ngak rilo bruk patrun kilo blaoh oh pasang khik hu kilo ye brei nao pasang iek thau ruak./.