Alah mbang nan lac kadha bhian gaok di urang taha, mai meng dom makna yau hadei di ini:

Taha thun: Tui tukvak, ralo talang di dalam rup babhap meda dak harei dak taha nao yau nan ye ngak bruk jeng laman mamuac jang, idung saong dalah salih karei daok ngak ka urang taha kan duah thau mbak taba di kaya mbang. Oh lac sa janih yau nan, tagei jaoh, nan ye bruk lameh, luan saong njaom mbak tapa jalan tung pruac jeng biak kan kandah. Kayua yau nan ye, rilo urang thun taha mbang oh mboh bingi cambuai, lavik nao mboh alah mbang jeng ye klak mbang.

 Kayua kan ndih, lahik ndih: Tukvak masa ndih di urang taha katut panak jang tui thun umo saong bruk lahik ndih jeng mboh biak rilo. Dom pambak di gah glo akaok yau saneng kuhria rilo, glo akaok oh hadah hadai, saneng kuhria,... ngak ka bruk ndih daok srau dhau saong urang taha umo lavik nao oh daok takre mbang menyum.

Srau dhau di dalam hatung pruac: Dom kadha daok brei mboh ka jalan dalam hatung pruac oh siam dalam hatian, mbang huak kan si halai, bok hatian tatang hatian, aih craoh,… biak mbuan gaok saong hu jeng makna ngak ka urang taha alah di huak mbang.  

Kayua ruak kik: Rilo urang njauk ruak me-ik saradang, suy giap, suy than,... saong dalam vaktu taong mek ruak meda ngak ka urang taha alah di mbang huak.

Dom kadha duh hatai, glo akaok saneng oh truh, palai lahik di luac rai ngak ka urang taha oh daok sangka tal bruk mbang menyum, ngak padam trun bruk chreih mbang saong ba tal bruk lah mbang.

Pambak di bruk kurang asal, suy dinh duong dalam tukvak atah nan lac bruk patrun triak ka pren yava. Meyah lac kadha ini oh hu taong mek oh lac daok ngak brei patagok bruk njauk ruak kik blaoh daok ngak ka urang taha dang anak rilo kadha salih bahrau kan si taong mek.

Piah pasiam brei ka bruk alah di mbang huak brei ka urang taha ye mikva drei mbang huak ka nyu njauk van njauk tuk, oh klak van huak mbang, meda mbang jang dom van karei dalam harei tuk mbang drah trei.

Mbang mbluak ralo jang di dom kaya mbang laman yau ye: bhu, sup, tapung pabak prein yawa urang taha,... piah ka nyu salih gauk nao mai di dom van mbang.

- Palaghaih piah ka urang taha mbang gam anek taco dalam sang, ngak jeng chreih chai bui sambai dalam van mbang huak.

- Ngak tabiak kaya mbang ka nyu laman, laghaih haong hatai takre saong bruk lameh luan di urang taha. Dom janih sinh to, tapung protein, aia tasai mesam,... njauk hu pabak tame dalam van mbang yaok harei di urang taha. Langiu di nan jeng njauk brei ka urang taha mbang dom janih njam tuk saong pandap mbang laman yau: bhu, sup, tapung dinh duong,... piah salih gauk dalam dom van mbang huak.

Njauk salih kaya mbang ka nyu rilo janih piah ka urang taha hu mbang rilo janih pandap mbang jang, gam daong mbang hu rilo kaya mbang chreih takre gam jhul patagok cam giac takre mbang di urang taha.

Dom janih pandap mbang chuc nang, jru mbo jeng ngak brei pabak palaghaih jang bruk lah mbang min piah mek hu baoh jeng siam mekre saong plaih caga hu dom kadha oh siam karei ye njauk sua tangi duah thau panuac tacei pato di gru jru piah palih ruah hu dom janih ka nyu laghaih.

Langiu di nan, urang taha njauk khik bruk brei ma-in padhih ka nyu laghaih piah ka rup pabhap khang kadang jang. Pathram padhih daok lac jalan ngak daong ka rup pabhap palahik rilo ia prein yawa nan ye njauk duah tal jalan mbang me-nyum piah pabak, mai meng nan ngak brei ka urang taha bruk chreih takre mbang huak, pren yava di urang taha hu tagok saong glo akaok jeng hu hadah hadai chreih chai./.