Bruk jal val harei harei di dalam dom harei jaik raya tet akaok thun ngak ka rilo urang klak tapa bruk bhian menyum ia tuk madeih vaktu masup page aval. Khik tani tanat hu bruk bhian menyum ia yaom lac cang mahu blaoh mayum ia daok daong pabak ia lahik tapa thuak yava, jeng yau ia hauk dalam tuk malam. Bruk kurang ini meyah oh hu langyah tuk nan ngak ka rup pabhap mboh glaih glar, kan pataom tame dom bruk di glo akaok saong prein yava di akaok harei.

Menyum ia tuk medeih tagok masup aval brei daong pabak ia saong lang yah dalam rup meng bruk menyum ia tuk medeih tagok. Kayua di malam mbuan patuh ia hauk, ngak ka rup pabhap lahik ia. Bruk ini meda ngak drei teik vah, ngak trak suai ka glo akaok sahaneng saong kurang bruk pahat padih di rup pabhap. Bruk oh menyum ginup ia meda ngak kan si pataom sanneng tame ka bruk ngak, kurang bruk caik hatai hadar saong pambuak tal duh hatai glo akaok.

Menyum ia hadei di tuk ndih tagok daong salih janih dalam rup. Menyum ia tuk tian lipa meda jhul samar bruk salih janih dalam rup, daong rup pabhap cuh  rilo calo jang dalam tuk tung pruac saong njuk pabak ia.

Daong tathuak nerak tachauk dalam rup: Ia siam brei ka mbang huak kayua nyu daong brei dom janih kaya mbang lai dalam tung pruac. Nyu jeng daong ka baoh ratak - thận nduac siam brei ka dom janih nerak tachauk dalam rup thuak tabiak tuk daok ndih. Manyum ganap ia mada tathuak hu nerak tasauk dalam rup pabhap manuac urang. Paglaong siam brei ka glo akaok.

Sa roh duah brei mboh lac lahik ia njuel meda ngak kurang hatai sahaneng saong bruk thau di drei. Menyum ia hadei tuk medeih tagok daong pabak ia veik saong ngak ka glo akaok ngak bruk siam jang, sa bruk siam piah raok sa harei bahrau.

 Pacang caga pandik akaok saong glaih glan: Mayah gauk oh menyum ganap ia mada ngak brei ka glaih glar song pandik akaok. Brup paganap ia meng masup page aval mada pacang caga hu pandik akaok jeng ye glaih glar tamuh dalam rup.

Piah bruk parandap bruk menyum ia di vaktu page aval mada ba mai siam lagaih glaong di abih, dom urang ilamo saong prein yava kakei lac, hadah page mikva brei menyum meng 1 – 2 li glaik caval ia (labaih 250 – 500 ml) hadei di tuk medeih tagok masup aval page. Ini lac gap mbiah piah pachreih majam labik dalam rup bo oh ngak kateik geik praong tal baoh ritak.

Njauk brei pilih ruah ia la-an atau ia pandao. Ia pandiak pandao daong ngak ka darah di dalam tung tian, daong tung preuac njuel saong plaih shock nhiệt ka tung guel hadei sa malam ndih padeih.

Tuk bahrau medeih tagok juai menyum ia hu saradang atau caffeine. Dom janih nan nyu mada ngak ka mbuan si khin jal ma-ik, meda ngak lahik ia samar jang atau ngak ka drei mboh yau ye mahu ia.

Yaom lac bruk manyum ia tuk medeih page mada ba mai rilo kein lagaih, min ngan haong dom urang hu ruak karei dahlau, bruk menyum rilo ia brei hu bruk tacei ba di bac si.

Tui urang taha urang umo ralo, kayua majam kham ka mahu ia di glo akaok kurang tui tukvak masa, urang taha bhian oh mboh mahu ia dalam tuk rup pabhap kurang ia rilo. Bruk ini ba tal bruk kurang hatai glo akaok sahaneng, ngak var drai, laman lamuac saong salih bruk drut druai di drei. Kayua yau nan, urang raong brei srap gap daong urang taha khik tani tanat bruk bhian randap menyum ia saong pabak ia bhian bhian dalam harei piah pacang khik prein yava majam than kinh saong rup pabhap./.