Oh takik panuac yaih khan di online angaok mang xa hoi brei thau lac cakak klak var huak, abih di nyu nan lac var huak malam, tung hu sit gilac dalam tukvak katut. Min tapi, meyah ein mbang huak oh njauk tui ilamo khoa hoc saong jeng bruk randap dui atah, rup pabhap njauk gaok rilo bruk kanjah trak yau trun darah, kurang glo akaok saneing, srau kadau mblung mabuk dalam tuk ndih, srau kadau mbung mabuk dalam rup pabhap saong gaok mai ngak kanjah tal baoh hatai.

Tuk ein eik mbang, dom calo tame rup nyu trun, rup pabhap brei pandar nang luong daok khik piah, dalam nan hu glycogen saong lamek. Bruk ini ngak ka kilo meda trun samar dalam tukvak akaok. Kayua bruk trun kilo anak meta ini ngak ka jalan patrun kilo hu siam lagaih. Min tapi, bruk brei caik hatai lac patrun kilo samar drah oh njauk lac patrun lemek karo kajap. Banah kilo lahik nao meda hu dalam nan lac ia saong kapul ralo cơ, oh tok lac lamek di tung.

Ein mbang huak oh tui ilamo khoa hoc ba tal bruk yau ye:

1. Trun darah saong glaih glar dui atah: Glucose lac nang luong rilo di glo akaok. Tuk klak var mbang huak dalam tukvak atah, saradang dalam darah meda trun khang, ngak having meta, having akaok, megei tangin, patuh ia hauk, gaok mai hangeik dail.

Di dom urang hu daok ruak dahlau yau me-ik saradang, bruk ini dak harei dak kan kandah jang, meda ba tal langek meyah oh langyah dil samu.

2. Kurang glo akaok hadar saong bruk pataom tame ka sa bruk: Glo akaok pandar labaih 20% taong abih nang luong di rup pabhap. Tuk kurang janih siam dui atah, chuc nang thau ka drei jan meda gaok kan kandah. Urang ein mbang ba tal bruk kan pataom tame, bhian var, patrun siam lagaih bruk bac megru saong ngak bruk.

3. Yau ye blung dalam tuk ndih: Rilo urang ein mbang dalam var huak, rup pabhap brei tagok janih cortisol – hormone srau kadau, ngak ka tuk ndih klaih klaoh, kan si ndih bangi. Tuk ndih oh bangi ngak srau kadau hormone ngak ka rup pabhap mbuan tagok kilo gilac.

4. Lahik ralo cơ salih ka bruk lahik lamek: Tuk ralo cơ meda kurang nang luong dalam tukvak atah, oh tok lac lamek bo sa kapul ralo cơ jeng phân giải piah ngak nang luong. Bruk ini ngak kurang bruk chuyển hóa cơ bản, ngak ka rup pabhap kurang lahik takik calo jang. Hadei tuk mbang huak yau bhian, mbuan ngak tagok kilo samar jang dut haong meng dahlau.

5. Srau kadau ia dalam rup noi tiet: Di urang kamei, ein mbang huak dui atah meda ngak srau kadau harei jhak di drei kayua kan kandah tal trục noi tiet. Rup pabhap maong bruk kurang nang luong lac “nguy cơ sinh tồn”, meng nan kurang bruk menek metian piah kali kalih nang luong.

Di urang likei, kurang janih siam suai atah jeng meda ngak patrun testosterone, ngak kan kandah tal prein yava taong abih ka kapul ralo cơ.

6. Kan kandah tal tung guel saong jalan tung pruac: Klak var huak bhian ngak ka tung guel patabiak acid min oh hu kaya mbang piah hlai, ngak tagok bruk mbuan barah saluah tung guel. Dom urang daok gaok bruk kan ruak tian kayua kurang janih xơ saong ia.

Kayua yau nan ye, piah khin patrun kilo, patrun lamek siam lagaih ye mikva brei padang bruk mbang huak ka. Brei caik dahlau kaya rilo đạm ralo, njam hijao, ngu coc tamo asar saong janih lamek siam. Pakurang saradang, ia yamein saong kaya mbang ngak blaoh dahlau.

Tagok bruk pahat padih rup. Pasram pahat padhih pagam di cardio saong pasam prein khang daong cuh lamek saong khik tani tanat kapul ralo cơ. Khik tani tanat takik abih abih di nyu 150 minit pahat padhih yaok adit.

Ndih meng 7-8 tuk yaok malam daong pasamu hormone saong daong luac jalan salih janih.

Pasang iek katang glo akaok. Thiền, yoga, thuak yava dalam atau dom bruk ngak lahei rup daong patrun cortisol – asal kadha daong pataom lamek tung.

Taong abih di nyu mboh lac: Patrun lamek ieu lac sa jalan brei ka hu tukvak saong bruk kham merat. Salih ka bruk pandar jalan ngak oh lagaih, yaok urang brei palih ruah jalan ngak hu ilamo, njauk haong rup pabhap di drei. Dahlau tuk salih bruk mbang huak, abih di nyu nan lac cakak patrun khang tanut mbang huak, brei tangi sua panuac ndom meyai di dom urang ilamo gah y te./.