Ruak barah kalik di manuac urang lac janih ruak bhian hu mboh, ralo di nyu di uranaih. Ruak ini hu mboh suai lavik, mbuan tamuh, nyu ngak pambak oh tukik tal bruk ngak, bac megru saong bruk mbang ndih daok dang harei.

Urak ini, ruak barah kalik di manuac urang hu brei thau cambaih laih. Yau nan min, dom kadha hu brei thau lac hu labik dang prong dalam bruk tamuh ruak, nan lac hu ye:

Mai meng darah amaik ame; srau dhau darah mien dich; njaom mbak anek ruak; hala paga pacang khik kalik njauk rambuis.

Viem kalik yau sa gai naong trak di bara oh lac sa janih brei ka urang ruak, kayua janih ruak ini mbuan si njauk, cak rok samar drah saong ngak pambak tal hatai saneng jeng yau bruk mbang ndih daok dang yaok harei. Bruk pacang caga hu labik dang biak prong dalam tukvak pacang khik mong iek ruak saong patrun naong trak ka bruk taong mek ruak suai lavik.

Piah patrun caga tamuh ruak barah kalik di manuac urang jang ruak viem kalik rup babhap, mikva njauk tah klak dom kadha pachreih yau:

Pakao hala: thak pakao saong alam langik tasik neriak tachauk meda ngak brei patagok bruk mbuan tamuh ruak saong ngak brei ka ruak trak jang.

Dhul mul dalam sang: Njauk puh ramik bhian harei, njauk ba caik patan phui tol piah patrun jang dhul mul njaom mbak tame dalam sang.

Bahlau anek athur: Abih di nyu lac balau anek mangiu meda ngak brei patagok mblung di ung, abih di nyu lac di uranaih.

Khan ao: khan bai yau nylon, polyester brei pang aia hauk tabiak, mbuan ngak ka ruak trak jang. Khan ao ngak meng balau anek asau mangiu anek athur atau pataaih khan bai njauk plaih caga. Brei angui cuk khan ao hu ngak meng asal cotton.

Pandap mbang: dom janih kaya mbang mbuan si mblung di ung saong ngak tamuh barah di kalik manuac urang, dalam nan hu gam baoh menuk, aia tasau limo, ritak lo, ritak nanh, hanh nhan…

Njauk caik hatai tuk pandar aia tasau piah menei. Juai menei meng dom janih hala phun kayau atau dom janih jru nam oh thau cambaih laih asal di nyu mai meng halei.

Brei pandar dahlau dom janih aia tasau manei khik hu laan, takik ngak brei katal mal, oh hu asal huong lieu rilo janih ia jru.

Nhiet ndo aia menei siam di nyu lac meng di tanut 27 - 30°C, juai pandar aia biak pandiak kayua lac meda ngak thu saong oh siam brei ka kalik.

Urak ini oh ka hu jalan ngak biak siam piah padam abih ruak barah di kalik manuac urang. Urang njauk ruak bhian pandar rilo jalan taong mek ruak karei di gauk piah mek hu baoh jeng siam mekre. Tukvak taong mek ruak meda dui atah dom bilan tal rilo thun. Hadei di abih ruak jeng njauk caong khin patui veik taong mek ruak piah pacang caga ruak tamuh gilac.

Tui urang bahrau tamuh ruak, dom kadha hu mboh daok njual, urang ruak meda pandar dom jalan ngak di sang yau ye: Menei gei meng ia pandao; Khik pandiak dalam rup; juai jarao; pandar aia tasau piah menei hu pahe mbuan mbiah; angui cuk khan ao laneng lanoi; padeih padei ka nyu siam laghaih; khik karo brei ka glao akaok; Pandar jamriak piah ngak jeng am dalam duk.  

Tapi min, bruk ta-eng drei taong mek ruak di sang meda oh mek hu baoh jeng siam mekre, gaok mai ngak ka ruak nyu triak jang. Urang ruak njauk nao pasang iek ruak di chuyen khoa kalik piah hu duah thau ka nyu njauk saong hu jalan taong mek ruak ka nyu siam laghaih. Di balai iek ruak, gru jru meda pasang iek ruak piah duah thau ka asar ba tal ruak saong ruak nyu triak tal tanut halei. Meng nan hu ba tabiak jalan taong mek ruak, daong ka urang ruak mong iek hu siam laghaih, langiu di nan plaih caga hu dom kadha bahrau tamuh tabiak oh tui hatai caong khin kayua taong mek ruak chung jalan./.