Hu labaih 30 janih bimao meda ngak jeng tamuh ruak bimao di angaok rup babhap manuac urang khaol drei. Anek ruak bimao nyu rak rok patagok siam di tanut pandiak meng 25 – 30 độ C. Angaok rup babhap drei, anek ruak bimao bhian hu mboh rilo di dom labik kalik tasah, tabiak rilo aia hauk, độ pH siam laghaih yau labik di plah pha, plah ine takai, kreh ka-ing, ala ta-ak. Uranaih bhian njauk kakah kalik akaok. Mong iek ala kareih ilamu meda hu mboh gal bimao hu jalan pacang, oh hu sambo mau, caik menek meng mbao tu, hu dom janih meda caih menek hu meng jalan pambuak pagam asal di truyền di dua drei yau Yuen ieu lac sinh sản hữu tính…

Dom kadha bhian mboh brei thau di ruak kakah kalik

Kakah kalik akaok: anek ruak bimao bhian ngak jeng ruak di mbuk, gaok urang mai njauk abih akaok. Gaok urang mai nao pasang iek ruak meng mboh:

Kakah kalik akaok ngak ka kalik hu sambo bau: anek ruak nyaom tame dalam gha mbuk, ngak talah gal arak mbuk, mbuk jeng sambo baleit bau, mbuan si jaoh, ngak jeng yaok labik vin di anrak mbuk saong pambak prong di akaok.

Kakah kalik akaok tanut juk: anek bimao ngak gar mbuk oh daok khang kadang saong jaoh jaik gha mbuk, ngak ka kalik akaok tamuh rilo tanut juk di arak mbuk.

Kakah bimau akaok vin yau taok panjin: Njaom mbak ruak di kalik akaok, nyu ngak oh siam tal gar arak mbuk, meda ngak jeng laneh di gha mbuk. Mbuk oh jaoh min oh hadah saong hu mbau.

Kakah bimau kalaik akaok hu pabom laneh nan lac tuk dom gal mbuk nyu viem hu ndung laneh di gha mbuk, hadei di nan nyu ngak buc mbuk.

- Kakah bimau di palak takai, palak tangin: Bhian gaok ralo di palak takai, nan lac di plah ine 3 – 4. Ruak tamuh tuk mikva drei nao takhaok, takai tabiak rilo aia huak, luai aia atau gluh bhok. Kalik di plah nyu hu inem mbong, katal, meda hu tamuh mun aia di angaok ine le, kalik jeng laka hu kakah. Laka nan nyu meda pambak prong, palak takai barah prong. Urang ruak meda tamuh baoh takuh di dom labik jaik taphia dinyu.

- Kakah kalik tangin, kalik takai: Urang njauk ruak bhian mboh hu kakah bimau di palak tangin atau palak takai.

- Bimao cakau: Meda pambak tal sa cakau atau rilo cakau. Bimao cakau bhian mboh di akaok cakau, ngak ka cakau tapal tagok, kanyik baleit, oh daok tamo, mbuan pacah, meda mboh hu dom klaih pacah di nyu hu sambo kanjik. Ruak triak nyu ngak cakau laik tabiak truh di ine tangin, ine takai saong meda mbuan njaom mbak tapa dom cakau karei. Ruak dui atah, mbuan tamuh gilac.

- Ndaih bimau Hắc lào: Bhian hu mboh tamuh di pha, plah pha, lakuk ka-ing, cakoi… Akaok mereip di kalik njauk ruak bhian hu inem, bhong, hu akaok mun aia sit vang vin di langiu nyu. Tui tukvak masa ruak nyu pambak prong, meda meng 1 cm tal prong jang.

Piah pacang caga ruak kakah bimau kalik, mikva drei njauk pacang khik kalik, plaih caga ngak ka nyu saluah, jeng laka; juai caik kalik nyu tabiak rilo aia hauk, bhian menei gei rup babhap ka haci hacih, khik ka nyu thu di plah pha, plah ak; bhian rapao akaok, plaih dhul mul, pandar aia jru rapao akaok ka nyu laghaih; khik cakau tangin, takai hacih sa-at, bhian cakak cakau; palih ruah khan ao saong takhok ka nyu laghaih saong laneng lanoi.

Langiu di nan mikva njauk khik labik ndih, labik daok ka nyu hacih sa-at, laneng lanoi, plaih caga labik ganik; Oh pandar gam haong gauk dom janih ndap nda kaya bhian pandar yaok harei yau, pasain siuk tanjak, khan ao, takhok, kalik yuak…

Urang ruak caong khin duah mboh ruak awal jang saong hu jalan taong mek ruak ka nyu njauk. Njauk puh ramik saong ngak brei pahacih ndap nda bhian harei di urang ruak njauk adat hukum piah plaih caga njaom mbak ruak ndaih bimau tapa ka urang karei./.