Trun tung guel lac bruk kambleo di dom tạng, cambaic di nyu nan lac tung guel, sa janih ruak tukik mboh. Labik tabung tung guel jeng yau bhian, min ala gilac biar jang labik bhian di nyu.

Kayua hagait brei ka ruak sa tung pruac

Trun tung guel meda kayua mai meng rilo asal kadha, bhian mboh tamuh ruak di urang ruak saluah tung guel – tung pruac, takik pahat padhih, urang kamei menek metian rilo mbang,…

Ruak tamuh kayua lac:

Saluah tung guel, kan kandah ka tung pruac ngak ganik katian gilaong nao ruak hatian (nao aih) - môn vị.

Oh khang dalam Rup, lavang lavaih: Tuk ini, dom cơ saong arak labik tung nyu laman lamuac, meda kurang lamek di tung, ngak kurang áp suất dalam tung, ba tal bruk trun tung guel.

Trun kilo biak drah samar: Kayua di nyu mboh lac anek kamei hadei tuk menek rilo mbang atau urang hu tung atah saong ganik, mbuan njauk ruak jang.

Njom anek ruak angan Hp: Ini jeng ieu lac janih brei mbuan si ruak sa dạ dày.

Mbang huak oh bhian lagaih: Mbang biak trei, pahat padhih biak khang hadei di mbang huak, atau meng dahlau di nan hu njauk ruak pandik tung guel sa dạ dày, meng nan ba tal bruk sa dạ dày trun tung guel.

Ruak trun tung guel bhian kan si thau, meda tamuh jeng tabiak darak atau ung thư. Ruak bhian mboh gaok yau ye:

Mboh cauci hadei di tuk mbang, ganrak tung, mboh tung guel njauk trun atau yau hu hagait kateik dalam hatian.

Dalam tung guel bhian hu sap yuh megei ia, min tuk ndik ndang ye oh mahit hagait.

Bhian ợ yava, pabah mbau.

Alah mbang, kurang ia khang dalam rup, trun kilo, mbaok meta oh hu darah, pabah phik, dahlah thu, hatai glo akaok mboh cao ci, mbuan glaih glar saong huac la-an.

Pandik akaok, lahik ndih, katang akaok dui atah.

Dom ruak tamuh karei di ruak trun tung guel sa dạ dày meda ngak kan tal bruk tung pruac: Urang ruak meda mboh kan di dalam tung pruac, kurang bruk mek dom janih siam, ba tal bruk kurang dinh duong, kurang prein yava saong kurang prein pacang caga ruak.

Tabiak darak dalam tung guel: Ini lac bruk ruak tamuh karei kan kandah di abih. Meda ba tal bruk tagaoh aok tabiak darah (sambo bar bhong maraih, meda jeng asar) atau nao ruak tian tabiak khak juk, mbau kan ciuk. Dom ruak tamuh karei ini meda ngak kan tal rup pabhap matai lahik. Kayua yau nan, tuk mboh bruk medil ini, urang ruak brei nao tal labik y te piah hu pasang iek ruak saong taong ruak dil samu.

Piah caga ruak trun tung guel, urang ruak sa dạ dày brei ngak tui yau:

Pasiam bruk mbang huak, plaih ngak bruk trak hadei tuk mbang huak. Patakik mbang pandap kaya mbang la-an, masam, hang, kaya mbang hu rilo menyek lamek ngak ganrak tian, kan tung pruac. Brei mameh tani tanat tuk mbang piah tung huel ngak bruk tung pruac kaya mbang mbuan jang. Bruk pahat padhih, pasram hu lagaih.

Pandar jru tui kakei di bac si. Dalam bruk ruak trak atau tamuh ruak karei kan kandah, urang ruak meda brei blac raih piah ka nyu siam brei ka sa dạ dày tung guel atau cakak klak banah njauk ruak tui kakei di bac si.

Taong yaom lac: Ruak trun tung guel sa dạ dày ieu lac sa janih ruak oh lac kan kandah tal prein yava rup pabhap blaoh nyu daok ngak trun asar siam  ka raidiuk di anek menuac. Kayua yau nan ye, urang ruak brei caik hatai tal bruk caga saong taong ruak dil samu drah piah plaih caga dom bruk kan kandah./.