Khang katang hatian oh sa janih lac bruk mboh garak tian hadei di mbang huak. Tui urang kamei, bruk ini meda hu pambuak tal bruk salih ia janih dalam rup, bruk randap mbang huak atau dom takai ruak tamuh dalam rup. Bruk thau cambaih laih makna, bruk thau ka kan kandah di ruak atau bruk pacang caga brei hu daong adei sa-ai kamei saong pasiam raidiuk lagaih jang.

Urang kamei bhian katang hatian rilo jang dut saong urang likei kayua dalam ralo darah rup pabhap. Dahlau abih, jalan tung pruac di urang kamei bhian kandah kandaiy jang, mbuan salih karei saong dom salih sit dalam bruk mbang huak. Ka dua, hormone urang kamei tui yaok mbang tal bilan jhak di drei ngak khik ia, ngak suai dalam tung pruac, meng nan ngak tung mbuan garak tian jang. Langiu di nan, rilo ruak hakik jalan tung pruac saong ruak karei di dalam rup urang kamei meda ngak tabiak bruk ini.

Garak tian kayua hu rilo janih:

1. Bruk mbang huak saong bruk bhian randap di dalam daok dang: Mbang rilo kaya mbang kan ka tung pruac yau ritak, njam kai, lasun, lasun putih, ia tasau atau padai bei mbuan ngak garak tian; Patagok janih xo biak samar ngak ka anek ruak dalam tung jeng ia tape khang, ngak garak tian. Bruk randap mbang drah samar, oh mameh tani tanat, gam mbang gam ndom meyai, menyum ia meng gai nding njuk ia atau mameh kao kaosu ngak ka hangin khí tame tung rilo jang; Mbang mbak ngak ka rup pabhap khik ia, ba tal bruk garak tian kan si ciuk.

2. Kan ruak tian saong srau kadau jalan tung pruac: Tuk khak pataom suai dalam tung kayua kan si nao ruak tian, hangin khí oh thuak tabiak hu, ngak jeng katang tian.

3. Noi tiet to ia darah di dalam rup saong bruk tal bilan jhak: Dahlau saong dalam tukvak bilan jhak di drei, estrogen saong progesterone tagok glaong, ngak khik ia saong ngak ka tung pruac ngak bruk suai gilac. Di tukvak dahlau abih bilan jhak, bruk salih hormone jeng meda hu ba tal bruk katang tian bhian jang.

4. Padauk ruak dalam rup: Yaom lac takik gaok jang, min katang tian dui atah meda lac bruk akei dahlau ka ruak trak yau ye: ruak hatai baoh, ruak baoh anek, gar tung pruac, barah tung pruac suai lawik man tinh, ruak celiac atau gaok mai ruak pabum ung thư. Kayua yau nan ye, oh klak caga caik hatai meyah bruk ini bhian rah tabiak.

Kayua nan ye mikva brei bhian salih bruk randap nda kaya kan mbang huak yau ye: Patakik mbang kaya mbuan garak tian, cih veik bruk mbang huak piah mbuan si thau kaya kan mbang ngak garak tian; Patagok janih xơ rah rah, pambuak haong menyum rilo ia piah plaih bruk kan ruak tian; Patrun tukik sara, salih meng kaya mbang hu rilo kali yau ye patei, kruac piah pasamu dịch thể; Mbang suai, mameh kayu tani tanat, plaih ndom meyai tuk mbang saong patagok bruk luan angin arthak.

Pamagei brei mbeik drei atau nao tabak takai meng 10-15 minit hadei di var mbang huak daong tung pruac ngak bruk siam, patrun bruk pataom arthak dalam tung. Dom kadha pasram yoga mbuan mbiah meda ba mai siam lagaih cambaih laih.

Mikva brei pandar kaya hu probiotic yau ia tasau mesam, ia tasau tagok tape atau njam baoh karaoh mesam meda daong pasamu he vi sinh jalan tung pruac, patrun bruk garak tian saong pasiam jalan tung pruac.

Oh njauk lac bruk garak tian halei jeng mbuan si thau. Meyah rah tabiak dalam dom bruk yau garak tian dui atah labaih 2 adit; pagam tui pandik tian, taglaoh aok, pandiak rup atau srau kadau bruk ruak tian; trun kilo oh yau bhian, glaih glar rilo; Hu darah dalam khak atau dalam darah kamei gam tui katang tian; Meng dahlau di ruak baoh hatai, ruak kumei atau hu blac raih hatung.

Kayua nan, adei sa-ai brei pasang rup pandap, pasiam bruk randap siam mekre saong rivang pasang iek samar drah tuk mboh oh yau bhian./.