Dom janih pandap mbang piah mbang maba bhian daong brei trun kilo nan kayau lac:

-  Takik calo jang meyah mbang njauk ilamu: dom janih kaya kan mbang maba yau njam patam, baoh karaoh, ngu kok tamo asal, ratak, asal... bhian hu takik calo jang dut haong dom janih pandap hu ngak tabiak meng anek athur yau rilo bhong, pho mai, mbeiy... Pagap yau, dalam 100g rilo limo hu pagam jaik 250 calo, dalam tuk nan 100g ratak tok hu pagam 115 calo. Mbluak di nan dalam ratak daok hu rilo asal peik jang rilo limo.   

- Meda asal peik: Asal peik hu ralo di dalam njam patam, baoh karaoh, ratak... daong ngak ka trei suai lavik, meng nan takik jang bruk mbang oh njauk tukvak masa saong pasang iek hu kilo siam jang.

- Patakik jang asal limek bao hoa: Asal limek bao hoa bhian hu mboh dalam anek athur (rilo, aia tasau...). Ini lac janeh asal limek ngak ka nyu jeng limek dalam tung pruac saong mbuan tagok kilo. Asak limek meng phun pala, pagap yau dalam baoh mbeiy, dom janih asal saong menyek ngak meng phun kayau, nan lac asal limek oh hu bao hoa siam ka pren yava.

Langiu di nan, cholesterol mboh rilo di dalam dom janih ralo di anek athur. Ilamu mbang taba bhian plaih atau patrun patakik jang dom janih pandap hu ngak tabiak blaoh hu rilo saradang. 

Yau nan min, oh njauk lac thei mbang taba jeng ngak trun kilo hu. Khaol drei meda oh trun hu kilo tuk pandar jalan mbang huak ini meyah:

- Mbang biak rilo tapung (yau brah mbong, har roti mi patih, mi paok…)

- Mbang taba hu ngak tabiak dahlau yau: gio chay, xuc xich chay, pandap am cuh rilo menyek) 

- Mbang rilo saradang (tra sua, har yamen taba...)

Piah mbang taba meda daong patrun hu kilo siam gheih, mek hu baoh jeng siam mekre saong khang kadang, ye njauk pandar ngak tui dom kadha di ala ini:

- Patagok njam patam saong baoh karaoh: dom janih pandap mbang ini hu rilo asal peik, vitamin saong khoang chat min tapi nyu takik kalo, daong ngak trei suai lavik jang saong pasang iek hu bruk ma-hu mbang. Njauk kham merat mbang rilo janih njam patam saong baoh karaoh ngan haong rilo sambo mau karei di gauk.

- Kaya mbang hu rilo protein: Protein biak siam piah patui khik baoh patih saong ngak brei mboh trei. Yau nan ye njauk pabak protein mai meng dom janih phun kayau yau ratak lo, ratak lăng saong dom janih ratak karei karei saong mbeiy asal.

- Asal limek siam: Yaom lac caong khin trun kilo, min rup babhap jeng daok caong khin hu asal limek piah rup pabhap lang laih nduac ma-in. ye njauk palih ruah asal limek oh hu bao hoa meng baoh mbeiy, dom janih asal (hanh nhan, oc cho glo asau) saong menyek hu ngak tabiak meng phun kayau (yau ye menyek o liu).

- Patrun patakik jang janih kaya mbang hu ngak tabiak blaoh saong mbang barat. Patakik yamen saong tapung patih yau: har meneng, aia yamen, banh mi roti patih, pachuk, pho, mi pok... oh lac tok hu rilo saradang bo daok takik asal dinh duong, mbuan ngak tagok kilo. Salih tame nan, njauk palih ruah ngu kok daok tamo asal, brah lứt, bei cuah piah pabak brei prein ka nyu khang kajap.

Tagok danak dak ngak bruk saong tui iek janih kaya kan mbang huak

- Tagok danak dak mbang huak yaok adit: Bruk ini daong grap tanat huak mbang hu ginup dom janih asal biak caong khin saong plaih dom janih ndap kaya mbang alah takre.

- Pasang iek janih huak mbang: Yaom lac pandap mbang biak siam ka rup babhap, min mbang biak rilo jeng mada ba tal bruk tagok kilo. Njauk pang tui rup pabhap piah mbang tuk lapa saong padeih gilac tuk trei.

- Pambuak pagam haong bruk ma-in padhih: Yaom lac mbang njauk ilamu, jeng njauk pambuak pagam haong bruk ma-in padhih yaok harei piah ka nyu am cuh calo, patagok rakrin tangin kakai saong daong ka bruk patrun kilo nyu rah tabiak samar jang. Langiu di nan, mikva njauk duah thau ka panuac di chuyen gia. Meyah huac kanda hagait ka pren yava atau oh ka tantu chac chan ka bruk mbang cei di drei, njauk sua tangi gru jru atau jru gah dinh duong piah hu pato tacei brei ka nyu laghaih.