6 kein lahaih biak siam di aia brei rup babhap

1. Aia ngak brei la-ar rup babhap: Tuk langik pandik, rup thaik anek manuas drei pandiak tui, aia hauk tanjaoh tabiak piah ka nyu mat la-ar dalam rup. Menyum takik aia oh ginup padam trun pandiak, rup thaik pandiak tagok, ngak ka drei huen akaok, glaih glar saong labuh ruak matai dair.

2. Daong brei tah klak asal jru mek saong pacang caga ruak ung thư: Yaok harei, rup babhap drei taduan mek rilo pandap nda mbang, aia menyum mbuan hu asal jru mek. Ia tame rup babhap njaom tame ralo darah tế bào, tah klaak asal jru mek saong tuh nyu tabiak gah langiu.

 Langiu di nan, aia daok pambuak pagam haong dom phân tử oxy daong panduan ba dom asal dinh dưỡng raong ralo tế bào saong tah klaak dom gok gha tự do ngak brei ka kanjah jak dalam rup. Pandar dom janih aia detox daok daong ka ayut sahabat di drei plaih atah hu dom janih ruak ung thư di dalam tung pruac, baoh hatai gan, pruac taha,…

3. Padam trun glaih glar: Meyaih dalam rup manuac drei bhian mboh glaih glar, nan kayua drei oh menyum ginup aia yaok harei saong kadha nan meda ngak ka dom jamriak dalam rup pabhap di drei oh nduac siam di abih. Glaih glar nan lac inem akaok mereip di bruk kurang aia. Tuk rup pabhap oh pabak aia ginup, ye mbuan ba tal bruk trun huyết áp, đột quỵ saong pandik baoh hatai. Njauk tui pang rup babhap drei piah pabak aia ka nyu ginup min takik di abih nan lac jaik 2 lít aia yaok harei daong ka rup babhap khang kadang, siam ka jalan tung pruac.

4. Daong trun lasei samar drah saong daong mek ruak aih khang gar: Jalan tung pruac caong khin hu aia piah jul pandap mbang nao samar drah, ta-eng pruac taha ye caong khin hu aia piah jul khak nao. Meda mong aia nan lac kaya ngak janar jalan tung pruac piah ka dom janih nyu nduac ka mbuan laghaih jang. Meyah kurang aia, khak kandong veik di pruac taha saong thu nao ngak ka khaol drei njuak srau dhau, aih gar. Tuk njauk aih gar, asal jru mek nyu gar dalam pruac taha meda njaom mbak cagar veik tame darah ngak brei njaom mbak jru mek. Kayua yau nan ye, khaol drei njauk menyum ginup aia piah plaih njauk aih gar.

5. Menyum aia daong trun teik trak: Dom urang ilamu brei thau menyum 2 ly aia dahlau di vaktu mbang huak meda daong patrun mahu mbang saong daong trun teik trak. Menyum rilo aia daok daong cuh mbang lamek labaih dalam rup. Aia nan lac kadha palih ruah biak siam piah salih ka dom janih aia menyum hu rilo calo yau alak, aia jamen, mbuan ngak trak tagok.

6. Tah klaak hu asal jru mek: Aia manyum ieu lac sa janih jru tah klaak hu asal jru mek tuk daong halang rao dom asal labaih tame jalan aia huac saong aia ma-iuc. Aia jeng brei ngak siam ka baoh thận saong ngak patrun bruk mbuan ba tal asal karang sỏi thận tui jalan ralai sara saong khoáng chất dalam rup babhap, kadha mbuan ba tal sỏi thận. Yau nan min, juai menyum rilo aia yaok harei kayua yau nan mbuan ngak padam trun bruk halang dom asal labaih di dalam baoh thận.

Meyah kurang aia mbuan gaok dom kadha hagait:

Meyah kurang aia takik: Rup babhap mboh glaih glar dalam rup, tanoak mata teik vah, pandik akoak, huen akaok, aih gar khang, oh mahu ndom puac, huac kanda, trun baoh patih, pandik talang akaok tauk, sup meta, kalik kanyan.

Meyah kurang aia trak: ngak brei pandiak, huyết áp trun, baoh hatai tim paoh samar drah, seiy bleiy,..

Meyah kurang aia mbuan ba tal mahu mbang. Tuk kurang aia rup babhap meda tagok bruk khik caga pandiak dalam rup saong patrun bruk thích nghi di rup babhap gam saong langik tasik pandiak khang.

Kurang aia rup babhap mbuan ba tal bruk aih gar khang.

Glaih glar saong tagok saradang darah: Rup babhap drei caong khin hu aia piah pablak atau tiêu hóa hu saradang. Meyah njauk me-ik saradang gam tui rup babhap kurang aia ye meda mbuan si huac ba tal metai lahik./.