Takik maong tanrak hadah hijao

Tuk pandar phone, pandar komputer, pandar ndap nda ndien tu,… drei brei caik tukvak ka mata padeih padei ka njauk, piak mata rilo jang meng bruk “20-20-20” lac yaok 20 minit ngak bruk ye luai mata maong atah 20 feet (labaih 6m) dalam 20 giay. Bruk ngak ini daong patakik kurang hu thu mata saong lagah mata.

Pasiam lagaih hadah di mbaok komputer mac tinh

Taphia bruk patakik abih tukvak pandar dom ndap nda ndien tu ye drei daok brei pasiam labik man hinh mac tinh ka njauk, oh peih biak hadah atau biak sup nyu ngak ka mata pandik, lagah, glaih glar.

Langiu di nan, drei jeng brei caik mbaok komputer nyu biar jang di mata labaih meng 10-15cm. Labik meng mata tal mbaok komputer labaih 50-60cm, daong drei peih mata praong saong ngak suai bruk par ia mata di yaok mbang pik mblak mata.

Rao mata saong balau jih mata ka njauk

Tuk tapai mbaok, drei brei caik hatai rao hacaih jih mata saong balau jih mata meng ia pandiak saong ia jru rao jih mata oh hu janih khik pacang piah njol njac ngak hacih sa-at dhun mun, anek ruak di jih mata angaok saong ala di drei.

Brei sangka iek praong tuk uak mata makeup atau luk jru pasiam kalik mbaok meda pagam tame mata saong meda ngak pandik mata. Brei pandar tanyak atau mahlei tut ia pandiak dan dan pahacih sa-at mata.

Bilik mblak pandiak ka mata

Piah caga ka ka bruk thu mata, drei meda bilik mblak pandiak mata meng bruk braoh dua palak tangin tame gauk ka nyu pandiak blaoh caik tagok mata, ngak labaih 5 mbang drei hu mboh mata hu siam.

Langiu di nan, gauk drei mada brei pasian tanyak tram ia pandao tagok mata piah daong dom kalik mata hu co giãn, ngak patakik bruk lagah mata. Tuk rao mata gilac veik ia pandiak, drei brei ngak 2-3 mbang/harei.

Plaih atah thak pakao

Tui dom roh duah, thak pakao ndam tal 7.000 janih ia jru hoa chat kanjah jhak ngak kan kandah dom labik dalam rup pabhap, dalam nan hu mata. Nyu ngak kan kandah tal thủy tinh thể, ngak barah baong màng bồ đào, kurang kanyik saong bruk thu mata. Dom urang bhian njuk pakao meda thu mata tagok dua mbang urang oh njuk. Kayua yau nan, brei plaih atah di thak pakao piah pacang caga ruak thu mata saong rilo ruak karei.

Menyum rilo ia

Ia biak siam dalam bruk khik tani tanat bruk patagok di dom labik dalam rup pabhap, dalam nan hu brei ka mata. Menyum ginup ia brei khik tathah ka mata, tuk rup pabhap kurang ia ngak ka mata thu. Kayua yau nan, piah khik tathah ka mata, drei brei menyum labaih 2 lit ia yaok harei.

Drei menyum ia halang atau dom janih ia baoh kayau biak hu siam. Bruk rup pabhap hu ginup ia halei oh ye drei meda maong tame ia ma-iuk, ia me-iuk biak kanyik ye meda rup pabhap drei oh hu ginup ia.

Pandar jru tanjaoh ia mata

Ngan haong bruk thu mata njol, drei meda pandar jru tanjaoh mata piah pasiam bruk thu mata. Yau drei thau, ia mata lac sa tal lapih, ma-om mata piah khik tathah, ngak hacih mata, pamatai anek ruak, pacang khik saong bruk maong iek di mata.

Tuk thu mata, drei tanjaoh mata jru V.Rohto Dryeye piah pabak ia mata, pacang khik mbaok giác mạc, luk ganal saong ngak tathah ka mata, paatakik bruk thu mata saong ngak pasiam pandik mata tuk pandar dom ndap nda jamraik ndien tu./.