Meng bruk yaoh khan di HTX lasun Vĩnh Châu, hadei jak jeng di mbang pala akaok meti di thun 2026 ini, ong Châu Xuân Long, daok di Phuong Vĩnh Châu, patui veik pala iek dahlau pajaih lasun F1 Maserati (Hà Lan) di taneh 1.000 m². Tui ong Long, hadei mbang pala, hadei mbang pala, pajaih ini brei pala hu lagaih dut haong lasun di bhum palei.

Thun blaoh, dahlak hulin pala labaih 800m2, dahlak hulin pala dan song lasun bhian ngak meng dahlau di bhum palei drei ye dahlak mek hu meng lasun bhum palei lac mek hu meng 1,7-1,8 tan dalam tuk pala lasun  F1 Maserati (Hà Lan) ini brei mek hu 2,5 tan.

Tui dom baoh sang hu pala iek dahlau, bruk mek hu di pajaih lasun F1 Maserati (Hà Lan) mek hu meng 30–35 tan/ha. Oh lac mek hu rilo, pajaih lasun ini daok meda ciuk hu langik biak siam, abih di nyu nan lac dalam kein lagaih hajan rilo. Phun takik gaok halak haling mbang nan jien buh tabiak ngak jeng hu patrun rilo. Ong Châu Hải Khánh, daok di Phuong Vĩnh Châu, daok pala iek dahlau pajaih F1 Maserati (Hà Lan), ndom meyai lac:

Pajaih lasun ini duh siam saong langik jang, tui pasang iek ye drei pala sa tukvak haong lasun bhum palei ye drei mboh nyu mek hu rilo jang kayua takik halak haling jang. Daok lasun di drei ngak meng halei mai ye khat lahik rilo kayua langik.

Daok di bruk sangka, dom baoh sang pala ndom lac bruk pala samu haong lasun bhum palei. Rilo urang ngak nong ndom mayau lac, meyah hu harak blei abih tani tanat, pajaih lasun ini brei hu kein lagaih patagok rilo.

Ong Thạch Dil, Yam ndok HTX lasun Vĩnh Châu, brei thau, gam haong lasun bhum palei ye urak ini HTX daok pambuak bruk pala saong blei abih ngan haong pajaih lasun F1 Maserati (Hà Lan) labaih 20ha. Ong Dil ndom meyai lac”

Dom thun blaoh tapa ye jeng lac HTX pambuak mikva pala lasun F1 Maserati (Hà Lan). Hadei di tuk mikva buac lasun ye HTX pataom blei abih lasun di mikva. Tuk drei ngak lasun F1 Maserati (Hà Lan) ini, tukvak tapa, darak pasar blei, dom darak praong pablei hu tuai damuai je tame blei pandar. Tukvak anak tal ye HTX jeng daok ngak veik bruk tantu ka labik pala, VietGAP piah pablei tapa dom majam darak pasar raya.

Bhum tapen tasik Vĩnh Châu ieu lac taneh pala lasun praong abih di ban Can Tho, ngan haong labaih 5.000 ha dalam yaok thun. Dom thun jaik ini, bhum palei hu jhul khang bruk salih ilamo khoa hoc ky thuat, pala lasun tui jalan huu co, patagok hop tac xa saong pambuak pala piah patakik jien buh tame ngak, paglaong asar siam saong yaom kaom lasun dalam darak pasar./.