Dom thun jaik di ini, raong hadang ia mateh mbak mateh taba ieu lac janih raong ralo di tinh An Giang. Tapi min jit ruak di rup anek hadang ieu lac janih brei la duh hatai mblung mabuk brei ka urang raong glang nyu. Mboh di mata, Bruk brei salih khang meng bruk “nduac tui ngak ralo” tapa “caga ruak dalau”, urang raong meng iek glang hu jeng ye palaong yom kaom raong glang jeng.

Tui gah ngak nong, dom ruak mboh huac ralo yau ye balang putih, matai baoh hatai tụy cấp ralo mboh tamuh di rup hadang. Tal ini, taong abih dalam tinh hu labaih 1.130 ha hadang mabuh bala, ralo di nyu mai labik trường saong jit ruak.

Ong Võ Văn Lên, Phaok Yam ndok So Ngak nong saong Alam langik tinh An Giang, brei thau lac: Caga jit ruak di anek hadang raong ye dalau baih di nyu meng janih anek pajaih, pasiam danao ia raong, ieik glang ia song ngak njauk tui ilamu ky thuat. Gah ngak nong pakakei pakurang pandar kháng sinh, patagok khang ralo vi sinh, raong tui jalan payeng vin, hữu cơ piah ka hadang khang, pakurang hu lahik yaom.

Ieu lac sa urang raong hadang kakai putih ralo thun di huyen tapen tasik, ong Nguyễn Văn Tuấn daok di An Giang khan brei tahu lac: Dalau diah bhian huac ruak jit tamuh di hadang raong dalam danao ia yau nan ye pandar ia jru kháng sinh ralo, abih jien ralo min yaom kom mek hu oh karo. Dom thun bahrau di ini, ong Tuấn salih tapa caik hatai iek glang ia tame ia tabiak siam, khik kajap tukbak brei do pH, độ kiềm, oxy brei tame, pabak saong men vi sinh jeng ye ia khoáng, kayua hu yau nan hadangtakik ruak, anek daok diuk ralo jang, kein raba mboh di mata.

Tui ralo baoh sang raong hadang karei, bruk caik hatai ngak njauk tui ilamu ky thuat dalam bruk raong glang 2–3 mbang daong pakurang shock, takik palai kajua. Dalam nan pilih harei malam vaktu piah ka hadang tuk tapa dua baoh danao, hadang khang kajap langik tasik siam lagaih brei ka siam jeng dalam raong glang.

Daok brei ka bruk praong jang, dom HTX raong hadang ngak kong caik hatai brei tal bruk pambuak gauk, brei pandar ilamu ky thuat. Vakil lambaok urang di sa HTX raong hadang ngak kong di phuong Hà Tiên (An Giang) brei tahu: Mayah raong brei ka siam ralo, HTX njauk iek glang brei ka janih ia, kot cih tani tanat harei raong, brei pandar janih ndap mbang jeng ye janih sinh hoc tui pakakei. Pakurang kháng sinh oh sa janih brei pakurang jien buh tame blaoh nyu daok brei daong siam makre tuk pablei nyu.

HTX caik hatai bruk raong payeng, rami kia tame tabiak ka siam makre brei hlang tui sinh hoc, brei pandar ia gilac, pagam saong tui huu co. Bruk ngak ini brei pakurang hu njom nerak, pakurang hu ruak kik jeng ye baoh jeng nyu siam makre karo jang.

Tui GS.TS. Trần Thị Thanh Hiền, Sang bac Thuy san (Dai hoc Can Tho), caga ruak jeng ieu lac sa cara ngak njauk siam brei ka raong hadang. Dom urang hu ilamu brei kakei ka urang raong hadang di An Giang jeng ye di Bhum taneran kraong Cuu Long njauk pilih ruak hadang oh ruak, halau gok cambac lac; juai raong palao ralo.

Langiu di nan, njauk brei pandar tui jalan ngak kong pakat glaong, salih lek taka so dalam bruk ieik glang danao raong, iek glang prein yava hadang, ieik glang dahlau jit ruak di nyu.

Biak di nyu brei mboh lac, caga jit ruak siam jang oh lac brei ka sa janih kurang lahik yaom blaoh daok dong patakik jien buh tame, patagok hu yaom kaom hadang raong. Tuk rahra bhap bini, HTX jeng ye gah urang ialmu gam nao saong gauk, raong hadang di An Giang mada patagok hu tui jalan sinh hoc karo, payeng – huu co, daong brei ka pasar dalam nagar jeng ye pablei tabiak langiu.

Caga ruak dahlau, ngak njauk ialmu ky thuat dan saong salih akaok ngak mbang ieu lac asar kadha “anek kiar ameh” piah urang raong hadang An Giang karo hatai dang anak bala, yam tagok jalan ngak jeng siam ralo patagok karo kajap./.