Urak ini di Bhum Taneran kraong Cuu Long pong nerang oh ka hu pandar siam lagaih tantu. Bruk pandar pandap tamo ini meda hu langyah dom kadha kuhria brei ka nang luong hacih saong brei yaom kaom kinh te glaong dalam majam ngak nong. Danak dak ndien sinh khoi Can Tho hu caong khin lac ba drei ngak dahlau pandar pong nerang ngak nang luong di Bhum taneran kraong Cuu Long, peih tabiak caong khin ngak jeng sa darak pasar karo kajap, gam haong nan rik daong tame patagok nang luong hacih saong kinh te payeng dalam gah ngak nong.

Danak dak sinh khoi di Ban Can Tho hu ngak ngan haong cong suat 150 MW, dalam nan hu klau kapul jamraik. Pandap tamo lac pong, kam atau dăm bào, kuhria pandar labaih 800.000 tan yaok thun. Ilamo ngak kong hu pandar bahrau saong siam mekre saong alam langik, langyah jaik yau taong abih ndap nda huu co, ngak tui dom tanut chuan tathuak nerak saong ia tathuak nerak dunya saong Viet Nam.

Min, kan kandah di darak pasar pong nerang urak ini lac biak sit, jien pataom ye glaong. Kayua yau nan ye, piah ngak jeng darak pasar tani tanat, brei ka hu bhum pandap tamo tani tanat meng tanut carbon, daong yaom pablei ndien saong patrun jien pataom, pajeng ba nao mai.

TS. Nguyễn Văn Hùng, urang ilamo meng Jabat roh duah padai brah pakat Dunya IRRI brei thau, tapa langyah jalan ngak brei ka pong nerang dalam nan hu lam dar saong am cuh. Bruk nan brei mboh tathuak nerak sang kreih camin glaong di abih saong ngak tabiak janih kanjah jhak. Lam atau dar pong saong pasang iek pandap lagaih daong patakik tathuak nerak, gam haong nan khik janih siam dalam taneh. Bruk pandar ilamo kong nghe, tri tue nhan tao saong co so du lieu praong dalam pasang iek pong nerang saong janih siam brei ka hu rilo abih ka majam pabak, takik tathuak nerak saong brei yaom kaom kinh te glaong meng ndap nda ngak nong.

Pasang iek ndap nda ngak nong oh lac daong patrun sang kreih camin bo daok lac kein lagaih piah patagok nang luong sinh hoc, nam rom, dang sinh hoc saong dom ndap nda siam lgaih karei. Min, siam lagaih daok takik kayua bruk pataom sit, kurang co so du lieu saong ilamo kong nghe daong. Danak dak 1 trieu hecta padai di ĐBSCL ba tabiak rilo jalan ngak yau khik kajap kein lagaih ka urang ngak nong saong hop tac xa. Patakik tathuak nerak sang kreih camin dalam taong abih majam pala drak, meng trun pajaih, sangka, yuak padai tal pasang iek pong nerang. Parilo abih ilamo kong nghe saong khoa hoc dalam yaok gah ngak mbang.

Dom roh duah di Bhum taneran kraong Cuu Long hu brei mboh bruk pataom, langyah saong pandar pong nerang oh lac ngak takik tathuak nerak bloh nyu daok daong brei hu jien mek tame ka urang ngak nong. Min, piah peih praong bruk ngak, brei ka hu dom jalan langyah taong abih, pagam di ilamo kong nghe, co so du lieu saong jalan ngak darak pasar.

Ramik pong nerang siam lagaih ieu lac yau ye anek kiar piah patagok gah ngak nong karo kajap, paglaong yaom kaom majam ngak padai brah saong patrun kan kandah di alam langik. Danak dak 1 trieu hecta padai di Bhum taneran kraong Cuu Long daok lac takai yam hu makna, peih tabiak kein lagaih pandar ilamo kong nghe payeng, paglaong prein ngak di urang ngak nong saong hop tac xa, gam haong nan paamaong tal sa bruk ngak nong tathuak nerak biar, siam lagaih saong karo kajap./.