Pala bangu cuc van tho meda hu ngak meng bruk trun asar pajaih. Taneh pala phun van tho brei ka tachoh, klik, meda tathuak ia samr saong piah ka agha cakrok siam, taneh hacih sa-at, oh njom halak haling piah plaih njom ruak ka phun anek di hadei. Kayua nan, mikva meda pandar taneh riya pa-auk pala phun hu gimup janih siam, majam vi sinh vat hu lagaih ka phun dalam luac tukvak tagok di nyu, nan lac taneh hacih sa-at huu co Sfarm ka bangu ngak mekre.

Tuk srap gap caga kadaoh blaoh, brei asar pajaih tame kadaoh saong tuh ia ka tathah, hadei di meng 3-5 harei abih asar tamuh, tukvak ini brei pacang pandiak ka phu anek. Hadei 5 harei ye ramik kaya pacang pandiak ka phun anek cakrok, page ramik kaya pacang blaoh 10h pacang veik. Hadei 10 harei ye ramik patruh kaya pacang taong abih piah ka phun cakrok siam. Dalam tukvak ini caik hatai sangka tuk pruh ia brei tuh takik, ia tanjaoh plaih ngak kan kandah tal phun anek.

Tuk phun van tho hu meng labaih 35 – 40 harei ye tamuh hu labaih 6 – 7 yau hala saong dom dhar di pa-ak jeng uak drei cakrok tagok tui. Meng labaih akaok bilan 12 saka ia bilan, brei cakak taduk ka phun saong brei caik hatai sangka lac tok brei caik labaih 5 – 6 yau dhar lac gap.

Phun hu kapu bangu meng labaih 40 – 45 harei, tuk nan drei brei cakak laih dom dhar sit saong caik veik bangu pasak piah bangu praong tagok samar saong gheih jang. Ngan haong tukvak ini ye brei takik buh khak.
 

Piah kapu bangu choh njauk tukvak Tet Nguyen dan ye tuk bangu hu 45 – 50 harei, meyah bangu choh aval jang tui kuhria ye brei drak khak ure tui 1g/1 lit ia, yaok harei tuh ia 2 mbang piah dui atah tukvak cakrok daong ka phun suai choh bangu.

Meyah mboh bangu choh suai jang ye brei padeih tuh ia labaih 1 – 2 harei piah ka bangu lahai hadei nan tuh ia veik ka nyu gap tathah, dom harei patui veik brei pruh ia hlai haong bánh dầu, meda pandar KNO3 tui tacei ba di gah ngak mbang piah pahreih bruk tabiak bangu.

Di bangu cuc van tho dom janih ruak bhian gaok abih lac lahai that kayua bamao, talauk taduk kayua anek rih bọ trĩ njom pambak virus. Ruak bhian tamuh tabiak kayua tanut tathah biak glaong, oh pasamu jaih siam, tuk hajan praong atau tuh ia khang catang ngak kan kandah tal phun. Meda pacang caga meng dom janih jru pacang caga ruak kayua baamao ngak kan kandah piah plaih pambak.

Langiu di nan, cuc van tho jeng bhian njauk halak cih gun saong halak mbang hala ngak tayah, meda pandar jru caga saong pametai halak mbang hala. Piah bangu choh gheih, bhian saong suai lahai ye njauk brei pandar veik khak drak hala huu co Supermes pruh ia yaok 10 harei sa mbang piah daong phun cakrok siam saong brei bangu gheih.

Brei caga pala bingu cuc van tho di dom labik laneing lanoi, oh njauk binguk halui, brei tui iek gam gam jalan patagok di phun piah dil samu hu jalan langyah. Dalam tukvak bangu bahrau choh, nan brei gam gam pruh jru pametai halak hlai brai piah tiaok kadit oh mebaoh tame bangu ngak khut tayah bangu. Brei pandar veik khak drak huu co Supermes piah daong phun cakrok siam, bangu choh bhian, that gheih saong suai lahai./.