Thun 2007 sa-ai Lê Văn Thuận, di palei 7, xa Hàm Thuận, tinh Lam Dong, pala 100 phun li-u xiem hijau. Mboh phun li-u xiem tagok siam di taneh pablak saong cuah, tal thun 2010 gait peih praong 400 phun, pala di taneh labaih 1,7ha. Sa-ai Thuận brei thau lac, bhum taneh pablah cuah bak pandia saong angin nyu lagaih. Janih li-u xiem hijau nyu khang, gha di nyu klauk tame taneh lagaih song taneh kakai cuah. Hadei 2 thun pala nyu tabiak bingu, tabiak boh tal thun 3 nyu brei baoh karo.

Mboh bein apuh laneing lanoi, takik hareik harom balau, biak lagaih brei ka raong manuk ada, sa-ai Thuận blei halam B40 mai caga vil nyu, ngak var ngak ro, blaoh blei manuk drei mai palao ala dhan lau. Tapa ralo mbang mabaoh caih, manuk dak thun dak ralo, tal thun 2018 mank tagok labaih 3.700 mbiah tal ini. Sa-ai Lê Văn Thuận khan brei thau, hu iek glang siam, janih gam pala phun kayau pablah saong raong manuk ada mboh siam lagaih.

“Tuk camreip jeng lac gam pala kayau gam raong manuk ada piah duah jien tame dalam sang. Mboh jeng yau nan ye dalam sang kham marat brei raong manuk tui yaom ralo drei piah pablei karo tabiak darak pasar, langiu manuk ralo, sang daok karam baoh mek anek pajaih brei pablei ka mikva khin blei raong.”

Kayua hu bruk kadha yau nan mada hu daong sa-ai Thuận hu jien tame glaong. Yau ye, phun li-u xiem hijau yaom jien meng 8.000 - 12.000 dong/baoh, dalam thun gait paih pablei labaih 18 mbang lần mek hu jien meng 300 - 400 trieu dong, bayar abih di nyu daok labaih kurang 250 trieu dong.

Doak brei ka manuh, hadei 4 bilan rong pablei hu, yaok mbang pablei jaik 470 drei; tui hu yaom meng 100.000 - 120.000 dong/kg, sa-ai mek hu meng 80 - 100 trieu dong.

Sa-ai Thuận khan lac, piah caga ruak brei ka manuk, urang raong iek glang njauk cara tani tanat. Bruk klauk jru yaok mbang brei ka manuk njauk ngak ka siam lagaih, mayah manuk ruak ye brei njauk jru njauk tui gah thú y piah pacang caga nyu.

Langiu pablei manuk mbang ralo, sa-ai Thuận daok parilo anek manuk pablei tabiak darak pasar tui yaom 17.000 đồng/con, yaok bilan sa-ai pablei hu meng 2.700 - 3.000 drei, jien tame meng 46 - 51 trieu dong.  Taong abih jien pablei meng raong manuk di sang sa-ai tagok labaih 1,5 ty dong, bayar abih daok labaih raba hu 450 trieu dong.

Ong Nguyễn Quốc Tuấn, urang vakil Kapul Kapul Urang Ngak nong xa Hàm Thuận, tinh Lam Dong brei thau lac, urang ngak nông angan Lê Văn Thuận khin sahaneng khin ngak, gait pok raong angan taneh cuah di bhum palei.

“Meng sa labik bhum taneh thu lagu, adiuk pasang sa-ai Thuận jeng kham marat ngak mbang duah jien ndo brei ka sang danaok drei. Dom thun blaoh tapa, bruk pala li-u gam raong manuk di sa-ai Thuận ba mai bruk jak jeng jeng ye hu pambak brei ka mikva palei pala meng tukvak di anak, daong patagok jien tame ka bhum bhaok palei.

 Ngak hu ngak jeng hu yom kinh te glaong, bruk pala li-u gam saong manuk di sa-ai Thuận hu ralo urang bac magru, peih jalan ngak mbang karo kajap daong ngak kaya ngak mada ka sang danaok saong rahra./.