Meng di thun 2024, Pasak roh duah saong Patagok Raong Glang anek thur raong Vigova hu roh duah di Meraong negar. Inilah janih pajaih manuk hu ralo darah ralo karei jeng ye brei ka gah kinh te mada brei phun asal ka jalan raong glang ka masa harei meng anak mata.

Kadha karei di manuk ini ieu lac nyu mabaoh abih 100% baoh hu sambo bar hijau intan, mboh oh hu ralo di darak pasar. Nyu bhian mboh di dom pajaih manuk oh biak ralo di Nam Mỹ. Langiu di nan kanduh baoh di nyu jeng karei mata, manuk ini daok hu prein khang, balau juk, kakai song cambuac jeng juk, ralo saong tulang di nyu dreih yau manuk. Bruk yau nan ngak ka urang dalam bruk pandar nyu yau ye ndap nda kaya kan pakat glaong.

Bruk raong glang nyu hu jak jeng siam, pajaih manuk ini jeng mbuan si raong brei palao jeng ye raong tui ngak kong. Raong di Pasak roh duah saong Patagok Raong Glang anek thur raong Vigova mek hu siam labaih 96%. Manuk ine praong meng 1,3 - 1,4kg, manuk tano meng 1,7 - 1,8kg. Tal tuk mabaoh, manuk nyu mbang labaih 80g kaya mbang /drei/ sa harei. Nyu brei mboh siam di abih dut tui raong janih manuk karei di bhum palei.

Njauk caik hatai di nyu, manuk mabaoh baoh hijau paralo tagok tui dua jalandan saong raong manuk tano piah mek ralo, peih praong bruk blei pablei kaya mbang ka nyu siam tui pakat glaong. Bruk ini daong paglaong di abih bruk raong glang manuk.

Manuk oh lac sa janih brei siam karo ka bruk raong glang, mnuk baoh hijau kayua ralo mbang hu siam ka prein mai meng: baoh saong ralo di nyu. Ndap nda kaya di manuk siam ka prein yawa hu yaom kom glaong.

Baoh manuk di nyu, chreih di mata kayua hu sambo ban hijau gam tui hu janih brei prein yawa ka anek manuac. Tui Makter Nguyễn Đức Thỏa, Phó Yamndok Pasak roh duah saong Patagok Raong Glang anek thur raong Vigova lac, kanduh baoh di nyu hu janih biliverdin saong chelate tawait di biliverdin glaong jang di janih baoh bhian bisa lagaih brei ka harei huak mbang di dalam baoh sang dan saong uranaih, urang taha.

Nak jeng kaya mbang huak di baoh manuk jeng njauk caik hatai piah khik hu siam makre gheih ghang di nyu. Manuh buaic balau khik kulik di nyu dalau si ngak jneg kaya mbang, siam di nyu brei tanhanek riak tuk piah khik dom janih ia siam ka prein yawa di nyu. Mayah am atau cuh chiên, njauk caik hatai juai brei ka nyu khiak atau khut lahik yamen di ralo manuk.

Gam tui rup saih gheih ghang, brei ralo brei baoh siam, mbuan sanang si raong glang, pajaih mauk juk ini mada njauk hatai brei ka urang raong glang, urang ngak mbang urang blei salih dalam nagar jeng ye lagaih siam brei ka pasar di dunya./.