Bilan yuak kuah hè thu thun ini, ong Trần Văn Ngỗ, Akaok kapul HTX Thanh Sơn (xã Vĩnh Bình, tỉnh Cà Mau) ngak ieik brei pandar jru EMUNIV di mblang taneh praong 2 ha. Hadei di labaih 3 bilan ong Ngỗ ba drei tame pandar ieik brei ka bruk ramik rah pong kayua Pasak pachreih ngak nong tỉnh Cà Mau pambuak bruk di palei, jak jeng mboh langiu di cang caong khin. Ong Ngỗ brei thau lac: Tuk camareip drei daok kanda. Urang ngak hamu drei bhian cuh nrang blaoh paje. Mbuan, drah saat hacih taneh hamu apuh. Daok asak asauk, tanah yau habar di nyu oh thei kuhria hu. Taneh dak harei dak maba, khak pandar ralo yau nan ye drei njauk ngak karei ieik sa mbang.

Bruk ngak hadei di blaoh yuak kuak padai bilan đông xuân 2024 – 2025. Rom pom angak hamu khik tamo, hadei di nan prai do gauk jru EMUNIV pablah khak tamo di angaok hamu. Di dalam meng 15 - 20 harei, pong nyu mboh bruk, oh mbau, oh mada hagait brei ka taneh ngak bilan hadei di nan.

Muk Bùi Thị Hồng Hà, Akaok Jabat bilik Vi sinh ngak nong – Pasak ngak Nong hữu cơ di Học viện ngak Nong Viet Nam ieik tapak bruk ngak brei thau lac: Mboh di mata di nyu dalau abih lac bruk pandar jru EMUNIV brei palai drah samar janih cellulose, khik hu janih siam di dalam taneh, pakurang tuh tabiak khí nhà kính jeng ye daong ka gha padai tamuh siam jang, phun padai khang meng tuh daok mada meng daok danih.

Dom bruk salih nan, urang ngak hamu yau ye ong Ngỗ mboh cambac kayua dalau diah padai tam blaoh daok cang lawik meng tamuh gha, mada jeng hu tal tuk bruk hamu, danih nyu matai. Min tapi mboh lac padai cak rok drah, gha khang karo, oh hu halak mbang awal...

Kapul ilamu jamariak kỹ thuật pan bruk ieik glang brei dut ieik saong hamu karei oh pandar jru EMUNIV meng bilan padai blaoh, mboh biak di nyu ong Ngỗ tatuak drei tuk mek hu 6,69 tấn/ha, glaong ralo tui 0,38 tấn/ha. Gam tui di nan patrun hu 60 kg khak buh drak /ha mai meng pom rom bruk jeng khak. Pruh nyu daok 9 mbang pruh jru caga phun pala, gah karei di nyu tagok tal 11 mbang. Kein labaih ralo 4,6 triệu đồng/ha dan saong brei tukik jien buh ngak labaih 1,7 triệu đồng/ha.

Dom baoh brei pakuran jien buh ngak, tagok yaom kom ngak hu ngak jeng tuk pandar jru EMUNIV yaom mada oh biak praong, min tapi tui urang ngak nong, nyu brei mboh jalan ngak barau ngak njauk.

Bruk klak kadha cuh pong rah mboh sit sot min lac oh mbuan di urang bhap bini urang ngak hamu di Bhum neran kraong Kuu long kay undam gam dalam akaok meng lawik, salih hu biak praong. Ong Trần Văn Ngỗ, Yam ndoc HTX Thanh Sơn brei thau lac: Mikwa bhian saong apui lawik. Lawik lawik mboh asauk asak meng sanang hatai lac hamu mblang hacih saat. Urak ini ieu cuh pong naran thei jeng kanyah akaok. Min tapi mboh ngak siam ngak jeng jeng hu urang waih mai ieik mai sua blaoh bac magru ngak tui. Bruk yau ye kan min tapi tal ini thei thei jeng ngak tui...

Njauk ndom mayai lac, mbiah hu sa janih ngak siam ngak jeng, mbaok mata angan jie di nyu mbuan si mblan mbuan si tambak khang. Janih ngak siam ngak jeng di xã Vĩnh Bình, tỉnh Cà Mau yau bau mayai ndom nyu mada pabam brei tamuh siam tamuh praong dalam bruk ngak nong takik athak rah rom jeng ye pamanek barau gah sinh học./.