Peih ngak danak dak brei ka 1 trieu ha padai asal glaong, patrun nerak tachauk, pagam haong cak rok hijao di bhum Taneran kraong CL, urang ngak nong dom HTX di Ndong Thap hu salih bahrau hatai saneng ka jalan ngak mbang. Yaom lac bruk cuh pon nerang oh siam langik tasik taneh riya alam moi truong jeng ye ngak chai taneh haluk yau daok balau dahlau diah, mikva urang ngak nong panduan salih tapa jalan brei lam pong nerang di laok hamu pambuak pagam haong che pham sinh hoc, gam ngak brei ka taneh siam gam patrun jien ndo buh tabiak ngak ka mbang bilan hadei.

Ini jeng lac sa jalan ngak siam karo piah ka Ndong Thap pamong nao tal jalan peih prong mblang taneh pala drak, mek hu 100.000 ha dalam puac thun 2026.

Tui ong Trần Hồng Đa, xa Mỹ Quí, tinh Ndong Thap, karei jang haong jalan ngak klak, jaik abih urang nong ngak padai di Ndong Thap hadei di tuk yuak kuak blaoh bhian tapok pon pajeng nao. Tukvak jaik di ini, rilo urang nong hu pandar ilamu, pruh jru vi sinh brei ka pong nerang pon njan hadei di yuak kuak blaoh caik ka taneh nyu padeih padei dahlau di tuk trun pajaih, kayua hu yau nan padai cak rok siam tani tanat, oh daok mboh bruk njuak jru mek huu co yau dahlau diah.

Ong Trần Hồng Đa brei thau: “Akaok mereip, dahlak jeng huac kanda tuk peih ngak bruk brei lam pong nerang hadei di yuak kuak, min hu bruk tacei pato abih hatung hatai di gah ngak nong pakat tinh nan ka dahlak meng khang hatai mek tangin tame ngak. Tapa tui iek mua hadei, mong mboh phun padei cak rok patagok biak siam, urang nong thei thei jeng bui sambai”.

Bruk ba jammriak tame pandar pambuak haong bruk pruh jru sinh hoc piah palai lahik pon nerang hu daong ka urang pala drak ngak padai hu siam laghaih jang. Jalan ngak ini ngak brei pasiam veik asal huu co ka taneh saong patrun jang halak halin ruak kik nyu pataom veik meng mbang ngak dahlau.

Ong Lâm Văn Bền, xa Phu Tho brei thau, lam pon nerang dalam taneh hamu ngak brei jeng khak ka bruk palak hadei di nan siam jang patrun takik jang bruk cuh pon njan saong patrun biak rilo asal jru tavao, khak brak. Yau nan min, mikva njauk lam pong nerang ka nyu tani tanat, lam ka nyu dalam piah ka pon nyu samar drah palai lahik jeng haluk. Siam abih nan lac mac yuak padai nao tal halei ye li-ua taneh tal nan piah ka taneh nyu drah samar pacoh, pon nerang hu lam chip di labik, plaih di bruk pambak tame langik tasik dalam bruk li-ua takac taneh.

Tui ong Lê Văn Chấn, Phaok akaok Chi kik pala drak saong pacang khik phun pala tinh Dong Thap, bruk palai lahik pon nerang daong ba-yar gilac asal huu co jeng yau asal vi luong brei ka taneh, brei pasiam ka taneh haluk ngak mbang, daong ka taneh dak harei dak siam jang, patrun takik khak buh ka hamu. Yau nan min, urang nong njauk pa-atah gauk 2 vuk, siam di abih di nan lac jaik 2-3 adit piah plaih ngak jeng njuak jru mek di huu co.

Bruk ngak njauk tui ilamu ini oh lac hu sa janih daong ka urang ngak nong Ndong Thap paglaong yaom asal brah blaoh daok pabak tanut brei thau ka tin chi carbon, pamong tal bruk ngak nong hijao, khang kajap saong bak hatai ngak./.