Ong Nguyen Cao Khai – Akaok HTX Tien Thuan (xa Thanh Quoi, Ban Can Tho) brei thau, dahlau diah pong hadei di tuk yuak padai blaoh bhian brei cuh klak atau juak dalam hamu. Meng di tuk hu mbaok tame peih ngak jalan ngak kinh te tuan hoan di Đe an, HTX pandar pong piah pala bimao, hadei di nan pandar pong pala bimau piah ngak khak brei ka phun pala. Jalan ngak ini daong patrun dom neriak tachuak tabiak alam langik tasik, pasiam taneh riya, patak pataom jien blei khak saong patagok nang suat padai 10-15%, kein laba patagok 2-6 triệu đồng/ha. Ngak haong jaik 1.000 pok pong yaok thun, kuhria rah tapa yaok pok pong brei tabiak 2 kg bimao, yaom mek hu 50.000 đồng/kg, HTX mek tame hu jaik 50 trieu ndong jien laba/thun.

Daok ong Cù Minh Trí daok di xa Xa Phien klah rabha: “Hadei di yuak padai, dahlak blei pong piah pala bimao, meng tuk pala tal tuk paik jaik 1 bilan, tukvak paik dui atah 15-20 harei, jien mek tame sa vu jaik 15 trieu ndong. Abih vu, dahlak tram pabam pong piah ngak khak brei pala njam patam, tak pataom phun jien.”

Rilo thun ini mai HTX TX Ngak nong Hung Loi, xa Đai Ngai hu buh jien blei mac tapaok pong piah pataom mek ka dom urang daok dalam HTX, hadei di nan ba mai gilang pataom caik piah pablei veik ka urang pablei salih. Kuhria rah tapa 1 ha urang nong hu mbluak jang 600.000 đồng jien pablei pong.

Di Can Tho, thun 2024 hu jaik 2.248ha mblang taneh ngak tabiak bimao pong, kuhria rah tapa jaik 9,2 tan/ha. Dom roh duah di mblang taneh brei mboh bruk peih ngak jalan ngak kinh te payeng meng pong hu daong ka urang ngak hamu paralo jien mek tame 25-35% dut saong sa janih pala padai.

Amuk Nguyen Thi Giang – Phaok Akaok So Ngak nong saong Moi truong ban Can Tho brei thau, tinh hu mbang taneh pala ngak padai yaaok thun jaik 676.000 ha. Hu mbaok tame danak dak meng thun 2024 tal ini, Can Tho peih ngak 12 bruk ngak iek, baoh jeng mek hu baoh karaoh, asal padai brah saong kein laba patagok takik abih 20% dut haong langiu di bruk ngak ini. Peih ngak jalan ngak kinh te tuan hoan meng pong, urang nong patagok jien mek tame jang 33 trieu ndong/ha/thun.

Dalam bruk ngak Danak dak, bruk pandar peih ngak jalan ngak kinh te tuan hoan meng pong hu peih tabiak sa jalan ngak bahrau brei ka gah padai brah Viet Nam. Du an RiceEco (Kadung jien pambuak bruk Mekong - Han Quoc) saong Danak dak Cabin di Đai Loan) hu pabak brei roh duah ilamu saong dom kadha mek hu meng bruk ngak hu mboh di meta, paglaong pren khang ka dom gah dalam dom dom bruk ngak pong nerang.

Tapa 25 bruk ngak pato pathram di 6 tinh taneran kraong Cuu Long, Danak dak hu brei paglaong pren khang ka 2.097 mbang urang nong, urang daok dalam HTX, urang jakar gah pachreih nong. 5 bruk ngak pablei salih (pala bimao pong saong ngak tabiak khak huu co) khang kajap hu ba brei bruk ngak ka labaih 500 urang ngak, daong ka urang nong patagok jien mek tame meng 25-35% dut haong tok pala ngak padai.

PGS. TS Nguyen Van Hung, akaok du an RiceEco – khan brei thau: "Meng bruk panduan jao ilamu pala bimao saong ngak tabiak khak huu co meng pong, khaol dahlak mong mboh hu bruk salih bahrau oh lac dalam hatai saneng bo dalam rai diuk di urang nong. Ty le cuh atau klak pong di taneran kraong Cuu Long meng thun 2021 meng 70% trun daok 63-64% di thun 2024, bruk ini jeng brei mboh lac yaok rituh ribhau tan CO2 oh daok par tagok langik".