Tui ong Đỗ Thiên Anh Tuấn, gru univesiti Fulbright, ngak kong ban raya HCM hu ralo jalan patagok glaong kayua hu majam patabiak ndap nda kaya kan brei ka dunya. Min bruk patagok daok hu ralo cuang kandah, dalam nan hu bruk iek glang pan bruk, ba bruk dan song gah jien ndo brei ka ha tang, taneh riya ngak mbang biak glaong. Kayua yau nan ye, piah ngak siam di angaok bhum taneh praong bahrau, ong Đỗ Thiên Anh Tuấn brei thau lac: " Khol drei njauk ngak pasiam cau truc mblang ngak kong tui majam yaom kaom. Patom dom bruk ngak kong atah dhua song prein khang brei ka mariak gauk dalam bruk ngak mbang di dunya tui 3 nyom kadha: Hasa brei ka bruk ngak kong, dua di nyu brei ka ngak kong bahrau dan song ka klau ngak kong pahadah barau. Pasalih lek taka so taong abih, yang ka 4 ieu lac patagok ralo urang ngak naih joi dan puac di nyu njauk padang jalan bruk ngak bahrau."

Urak ini urang ngak mbang blei salih caong khin abih di nyu hu lac hadei di patame hasa jeng ban raya HCM njauk pataom chul khang bruk padang jalan pambuak labik ngak kong saong dom pabah tasik jeng ye mblang kapal haol piah pakurang jien bayar logistics. Langiu di nan, dom labik ngak kong njauk brei padang ha tang tui jalan hijau.

Ong Trần Anh Khoa, pan bruk gah Mbang patagok ngak mbang blei salih Bivigas, pok sap khin caong ban raya HCM dak padang dom labik ngak kong bahrau njauk hu majam pabak athak, dreih ye brei ia dan brei gom ndien. Gam tui di nan njauk hu jalan brei ka dom urang ngak mbang pasalih tapa pandar nang luong hacih, kayua lac bruk ini dak harei dak cap khang catang di darak pasar pablei tabiak langiu nagar yau ye Chau Au: " Brei ka kadha jalan dhuan jeng ye talei brei pambuak  bhum ngak mbang, urang ngak mbang blei salih khin karja ban raya HCM awal jang brei hu khí gam gam, karo kajap dan song pakuran jien bayar tabiak di urang ngak mbang blei salih."

 Brei ka bruk danak dak ngak jalan mbak, ban raya HCM mada ngak tui pambuak dom bhum, gam gam ngak saong gauk, pambuak tapak saong gah Dong Nam Bo, Tay Nam Bo jeng ye dalam nagar, padang jeng sa bao hệ sinh thai ngak kong lagaih di abih, siam di abih. Ban raya HCM ba akaok mbram meng thun 2025-2030, dom khu ngak kong, labik ngak ndap nda pachreih hu jien buh tame ngak mbang meng langiu nagar hu meng 20-21 ty USD.

Tui ong Lê Văn Thinh, Akaok Banpasang iek Labik ngak ndap nda, labik ngak kong ban raya HCM, dalam cau truc bahrau ini, labik pasak ban raya HCM brei patagok bruk ngak kông saong blei salih yaom kom glaong. Dom khu ngak kong pandar ralo urang ngak brei pandon tabiak bhum tapen ban raya HCM, gam saong dak taneh bahrau piah padang majam ngak kong ngak kong glaong tui ilamu jamraik ba rau, pachreih urang ngak ilamo glaong. Ong Thinh khan brei thau: "Padaok angan bruk pambuak di dom labik ngak di ban raya HCM dahlau. Nyu ieu lac pasak mayit mayao blei salih, hu biak ralo urang ngak. Pachreih patagok bruk ngak mbang di pabah lange tasik Ba Ria - Vung Tau, patagok phun taneh ngak kong jeng ye phun yaom urang ngak di Binh Duong."

Tui jalan nao ba rau, bruk ngak kong di ban raya HCM hu pasalih: di pasak brei pachreih mayit mayao dịch vụ saong ngak kong pakat glaong; Ba Ria – Vung Tau (klak) patagok jeng pasak kinh te tasik. Tui jalan atah dhua brei ngak jeng ye ieik glang tui ilamo jamraik bahrau, ngak yau gauk, samu gauk, ban raya HCM mada khik hu asal ba jalan khu ngak kong pakat glaong, pahadah, patagok karo oh sa janih brei ka ban raya HCM blaoh daok brei ka pasak bhum kinh te maraong nagar./.