Saai K’pui Kinh (bangsa Jarai, daok di xã Chư Sê) brei thau, kayua hu dak dong di Tổ công nghệ số bhap bini palei Hăng Ring, saai gam saong 3 urang karei dalam sang hu brei kak dak tame, pandar di telephol jak ye VNeID tanut 2, kat căn cước rahra nagar meng online pagam song harak adat peih radaih, kat bảo hiểm y tế… Oh sajanih yau nan, saai daok hu brei daong peih ieik jeng ye ngak dom dịch vụ online tapak jabat karja. Saai K’Pui Kinh khan dom lagaih lagua sanang sane brei ka bruk ngak harak gal karja meng telephol:

 “Payar jien bảo hiểm y tế ka anek bik urak ini akau sa janih peih pandar meng VneID, oh daok cang tapa gah bảo hiểm buh jien, urak ini ngak abih di sang, drei buh mã số blaoh payua jien. Nao iek ruak jeng sanang, pagap ye dalau diah nao iei ruak drei ba tui kat thẻ bảo hiểm y tế, tapuk ieik glang ruak, tal urak ini oh daok cang ngak yau nan. Sa janih brei tahu mã số blaoh bebas peih ngak eng ba tame angan baloh tame ieik ruak, biak sanang, biak lagaih rup drei.”

 Saai A Pyưi, Akaok Tổ pasalih lek taka số bhap bini palei Ia Gri, xã Biển Hồ, khan brei thau lac kapul tổ hu 5 urang, taong abih hu tame bac magru brei ka pasalih lek taka số. Di dom mbang nyom biai dalam palei, tổ jeng bhian daong mikwa dak tame dom janih brei pandar ye VNeID, Kat Căn cước bhap bini, Bảo hiểm y tế; gam tui di nan daong brei thau tame dom hala khao tin di Pasak Hành chính công xã piah thau ba angan tame, thau khan tahu ngak dom janih harak gal brei ka taneh riya, hộ tịch atau dom janih kadha karei. Saai A Pyưi khan brei thau:

“Akau daong tapak mikwa brei thau dak dom phần mềm, dak angan tanut 2 angaok VneID. Yau nan drei mada ngak hu lek taka số abih di angaok telephol, oh cang nao tal UBND xã yau meng dalau, biak lagaih jeng ye oh bih lahik masa tukwak nao mai. Daok dom bruk yau ye dữ liệu thống kê bhap bini, taneh ngak nông, môi trường alam, gah bruk ngak… jeng hu tổ thống kê di angaok dom brei pandar, phần mềm online piah brei ieik tui dom bruk ngak di bhap bini rah ra.”

 Xã Biển Hồ hadei di pagam hu labaih 49.000 urang bhap bini, dalam nan hu mateh 50% urang bangsa takik. Tal ini, taong abih puk palei hu padang Tổ pasalih lek taka số bhap bini Bí thư chi bộ palei dang akaok. Yaok tổ jeng hu kapul zalo, daong, patacei mikwa dak phần mềm, bac magru thau dom bruk kadha jabat karja pandar pasalih lek taka số. Ông Đặng Khánh Toàn – Phó Chủ tịch UBND brei thau, xã daok kham marat patagok ralo urang rah ra bhap bini cambac thau bruk pandar pasalih lek taka số pandar ngak dịch vụ, janih harak gal sarak karja.

“Daok dom baoh sang di dom palei mbon urang bangsa takik jeng ka oh tahu cambac tantu bruk pandar smartphone, di masa tukwak mai tal tapa taong yaom duah thau khol akau dahlak mada khan tagok Đảng uỷ, UBND xã dakwah jak ba urang daong điện thoại thông minh ka dom baoh sang ini. Tal tuk hu blaoh telephol, gait mada tahu pandar dom janih kadha harak gal oh daok cang urang karei daong.”

Gam tui sa hatai hatian di bhap bini rahra, dalam nan hu mikwa urang bangsa takik daok di bhum palei atah bayah bhum palei yau “danao kurang ilamu bac magru”  gam kham marat di majam politik chính trị, pasalih lek taka số di Gia Lai daok peih khang tal yaok buôn palei, yaok baoh sang. Sa karja jaik taphia bhap bini, halan ngak ka bhap bini daok dak padang, peih tabiak janih uak drei khang praong piah ka Gia Lai kajap khang karo tame jaman lek taka số, gam abih dalam nagar yam tagok di jalan uak drei tagok gam saong bangsa./.