Xa Loc Ninh, tinh Ndong Nai hu mong yau “Ban ine mesruh metak” sa jaman di taneh aia ngan haong rilo labik inem mek dak rai sajarah. Hadei di peih paha, Loc Ninh tui yam bruk ngak di urang anh hung, pok drei patagok, mek hu rilo baoh jeng siam mekre di rilo gah. Dalam nan nyu hu, ngan haong bruk padang ngak palei pala bahrau, Loc Ninh oh padeih salih bahrau mbaok meta, hu jeng bhum taneh kaya meda. Tukvak masa meng 2020-2025, Loc Ninh mek hu rilo baoh jeng siam mekre, taong abih gah yau: Jalan cak rok patagok kinh te di xa cak rok patagok grap tanat, dalam nan yaom kaom di bruk ngak hamu ngak padai khik glai ieik ceik nong, ngak glai, ngak tasik meblah 55%; bruk ngak kong, dak padang meblah 21%; pablei salih, jit vu meblah 24%. Jien mek tame yaok akaok manuac hu jaik 89 triệu đồng/thun. Kinh te cak rok patagok, rai diuk di bhap bani hu salih bahrau mboh di meta; jalan mbak nao mai di xa dak harei dak brei padang ngak siam mekre.

Xa Xuân Lộc hu tagok khang dalam bruk padang ngak kinh te – rah ra, hu jeng puk palei ba akaok nao dahlau dalam bruk padang ngak palei pala bahrau. Thun 2024, huyen hu ngak salah blaoh jalan ngak palei pala bahrau kieu mau, avan jang sa thun dut haong bruk ngak hu ba tabiak. Kadha mbluak di abih, nan hu lac rai diuk di urang ngak mbang gah hamu apuh patagok mboh di meta, bruk ngak mbang ngak huak oh padeih patagok. Thun 2024, jien mek tame yaok akaok manuac di palei pala hu jaik 95 triệu đồng/urang. Baoh sang urang kathaot tui tanut pakat nagar patrun daok labaih 0,5%.

Tui Bi thu Ndang uy, Akaok HĐND xa Xuan Loc Nguyễn Thị Cát Tiên, jalan ngak di xa nan lac pamaong tal bruk cak rok patagok taong abih gah, abih di nyu nan lac dalam dom gah rivang ma-in, pablei salih - jit vu, ban sit ban praong, ngak nong tui ilamu pakat glaong saong ngak ngak kong ngak tabiak kaya nong. Xa meda ngak jeng jalan mbak biak siam gheih piah pachreih urang buh jien tame ngak gah ngak nong, palei pala,  pamong padang ngak palei pala bahrau.

Hadei di ba pahasa, tinh Ndong Nai hu mblang taneh phun kayau gah ngak kong, phun mbang baoh ngan haong blang taneh praong labaih 609 ribau hécta. Dalam nan, hu dom phun ngak kong hu mblang taneh dang akaok dalam negar yau: phun kao su, phun pa-aok blait, phun baoh amariak kalu... dak padang hu dom labik bhian ngak prong. Tinh jeng hu prein khang piah patagok dom janih phun mbang baoh brei mek hu rilo jien ndo saong nao akaok dalam bruk ngak ma so labik pala pablei tabrak langiu negar. Tal urak ini, dalam tinh hu 215 ma so lek taka labik pala pablei tabiak negar langiu dom janih phun yau durieng, patei pagam mo... ngan haong mbnag taneh prong labaih 15 ribau hécta saong 59 labik paok hu pabak brei ma so lek taka piah duh ka bruk pablei tabiak langiu grauk negar.

Đong Nai jeng lac “ban ine” raong glang dalam negar ngan saong taong abih tapol pabui jaik 4,2 triệu drei, taong abih tapol anek athur raong labaih jaik 36 triệu drei… Gah raong glang jeng jhul khang bruk pandar jammariak ngak pakat glaong ngan saong rilo jalan ngak siam gheih, bahrau abih di jaman ini.

Sa-ai Võ Thị Hiền, Po labik ngak tabrak amariak kalu hacih Cô Hai di xã Đăk Ơ palih ruah bruk ngak tabiak pandap panda meng asal amariak kalu di thun 2019. Ini lac sa dalam dom labik ngak tabiak akaok meti di tinh Binh Phuoc (dahlau diah) hu pandap panda mek hu angan OCOP. Urak ini dom janih pandap OCOP 4 patuk nan lac: asal amariak kalu juk, panat Siam thu racam. Labik ngak tabiak ini jeng daok pabak brei biak siam pandap panda tame dom darak pasa jeng yau ngak ka urang pablei tabiak langiu negar.

Sa-ai Điểu Thị Nheo, urang bangsa S’tiêng daok di xa Bù Gia Mập, klah rabha panuac khan lac: “Dahlak chreih dalam hatai hadah meta tuk hu angui cuk blah khan ao di bangsa drei, ngak brei yaih khan ka ilamo bangsa. Khan ao bangsa bhian hu angui cuk dalam puk palei tukvak harei: ngak yang ngak rija raya, Tet, dom bruk ngak prong di puk palei, ndam lakhah… Tui di nan, menyim jih dahlah nan lac bruk ngak meng kan hu yaom biak prong, ngak brei mbang angui, gam lac binah oh kurang hu dalam rai diuk di urang bangsa S’tiêng daok di Bù Gia Mập”.