Adit puac bilan 8, UB Bhap bini xa Hòa Phú, tinh Dak Lak hu peih bruk bac pasram ka labaih 140 urang jakar ngak bruk karja saong lambaok ka gah ngak mbang pablei salih dalam bhum palei. Dang tal bac lac dom urang ilmao gah ngak kong, urang bac oh lac sa janih yaih khan ka ilamo jamraik gah ngak AI blaoh daok hu tacei ba pandar AI tuk ba tame bruk ngak. Ong Nguyễn Trung Hòa – Gru pato di Sang bac Cao dang Kong thuong Mien Trung, hu mbaok tame dang pato, brei thau:

“Daong ka taong abih adei sa-ai hu ilamo pandar AI njauk tui ilamo urang ngak. Dalam nan gam hu akaok gam pandar 2 kapul karja saong urang ngak mbang blei salih, daong ka yaok urang mada padang bruk daong ngak tui AI. Daong AI ini tui yaok urang tui yaok bruk, yaok bruk hu kat ngak tabiak anek AI karei di nyu”

Dom harei akaok ngak bruk karja palei dua pakat, bhum palei gaok rilo kan kandah dalam bruk langyah harak gar ka rahra saong gah ngak mbang pablei salih. Rilo meng lac kayua kurang manuac urang jakar hu ilamo bruk ngak. Meng bruk caong khin nan, urang pan akaok xa Hòa Phú brei thau lac khin hu takik urang ngak blaoh ngak hu rilo bruk ye brei ka thau tani tanat pandar ilamo gah lek taka so. Dalam nan, pandar glo akaok ilamo AI lac sa jalan hu lagaih. Xa hu khang hatai da-a dom urang ilamo ka salih lek taka so saong AI ka bruk bac pasram, haong asal kadha “Bac blaoh lac ngak ka hu”.

Oh karei ta-eng di xa Hòa Phú, di phuong Tân An, tinh Dak Lak pandar ilamo kong nghe AI dalam bruk langyah harak gar karja mbang akaok meti patagok siam lagaih. Sa-ai Văn Thị Trang Đài – urang ngak bruk karja phuong Tân An brei thau:

“Pandar kong nghe AI hu brei kein lagaih cambaih laih ka urang jakar saong rahra. Ngan haong urang jakar, khol dahlak hulin mbuan pasang duah tham quyen, brei thau harak gar halei daok dalam bruk langyah di pakat xa. Ngan haong rahra, AI jeng daong duah saong thau hu harak gar halei meda hu ngak tapak di phuong, meng nan patakik hu tukvak saong lagaih jang dalam meyit meyao bruk hit di karja.”

Piah bruk pandar ilamo ngak kong ba tame ngak, bruk daong di dom gah ngak mbang pablei salih vien thong – ilamo ngak kong ieu lac sa bruk biak hu makna. Tukvak blaoh tapa, dom gah ngak mbang pablei salih gah vien thong hu chreih chrai tame ngak jum tangin gam haong karja dom palei ngak bruk ini. Naih gheih abih Viettel Dak Lak hu pambuak haong karja palei peih rilo jalan langyah lek taka so, duh bruk siam lagaih ka bruk karja palei dua pakat.

Ngan haong asal kadha “Bac blaoh brei ngak ka hu”, dom tal bac pasram ilamo kong nghe lek taka so yau di xa Hòa Phú atau phuong Tân An di tinh Dak Lak daok peih tabiak jalan nao bahrau, daong urang jakar pakat xa oh lac paglaong ilamo lek taka so, blaoh daok salih jalan sahaneng, pandar ilamo kong nghe piah duh rahra siam jang dalam tukvak bahrau. Ini jeng lac bruk ngak tantu cambaih laih piah dom bhum palei di tinh peih ngak siam lagaih tui Sarak 57 di Mentri Chinh tri ka ilamo khoa hoc – kong nghe saong salih bahrau hadah krah./.