Dom harei ini, grauk labik di taneh ia, labaih 1.200 urang đoàn di Rayo sap ndem Viet Nam daok peih ngak dom danak dak dam dara halan hatain bak ia hauk di dom urang đoàn dam dara VOV di grauk labik. Báo điện tử VOV.VN ba yaok rituh paok pandap, khan ao li-an tal tangin uranaih bhum ceik glong Tây Bắc; Kapol dam dara dom jabat lambaok daok di ban raya HCM, bhum kreh negar, bhum Tây Nguyên atau bhum taneran kraong Cuu Long hu rilo bruk ngak piah thau dhar, thau phor dom amaik Viet Nam anh hùng, baoh sang urang thương binh, liệt sĩ. Dom mbang nao tapak tal uranaih kan kathaot, bhum atah bayah hu dom đơn vị di Rayo sap ndem VN peih tabiak hu daong ka dom urang vak, biên tập viên hu pabak ilamu saong prein khang piah kham merat dalam bruk ngak. Ayut Lê Phương Thảo, urang vak di Jabat Y tế, Ban Văn hóa –Xã hội ( VOV2), Rayo sap ndem VN lac:“Tuk hu mbaok tame dom mbang nao, dahlak hu duah thau ka labik drei nao tal, oh lac hu thau jang ka sa labik, bo dahlak daok hu thau ka raidiuk anek manuac daok pak nan yau halei, adat cambat nan yau habar. Dahlak hu thau dom ilamu, dak harei dak hadah ka dom bruk dom kadha bo drei oh ka thau.”

          Thau hu labik dang, bruk ngak di umo dam dara dalam bruk dak padang saong khik caga taneh ia, urang đoàn di Rayo sap ndem Viet Nam yaok harei  kham merat, oh huac glaih glar kan kandah piah  samar brei thau taong abih dom gah di raidiuk tagok angaok dom kenh papar sap, papar binguk, harak mbao saong báo điện tử. Oh lac ngak siam bruk chuyen mon, dom urang đoàn daok kham ngak dom bruk khik ramik hacih sa-at moi truong, khik salamat di jabat saong labik daok. Bruk halan hatian brei darah kayua Kapol dam dara Rayo sap ndem Viet Nam peih ngak dalam 10 thun ini mai, pachreih hu yaok rituh urang dam dara hu mbaok tame. Lac jabat mbao chi pathau khan, yaok phóng viên, biên tập viên di Rayo lac dom urang gheih pathau khan angaok riyak pakat negar, gam lac dom urang  abih hatai pachreih tui bruk jak ba gauk halan hatian brei darah tui jalan sahaneng lac “ Yaok sa kanjaok darah brei nao, sa raidiuk daok veik”. Tapa dom bruk ngak halan hatian, dom urang đoàn, dam dara brei mboh dom naih gheih, hadah krah rik daong tame dak padang bhum palei, taneh ia khang kajap, gam piah pasiam patia gam hu praong tagok tapa bruk ngak anak meta. Ong Pham Duy Hưng, Phó Bí thư chuyên trách Đảng ủy Đài Tiếng nói Việt Nam brei thau:“Dam dara urang đoàn di Rayo sap ndem Viet Nam hu labiah 1.200 urang. Ini lac kapul khang kadang dalam bruk  chuyen mon jeng yau bruk  phong trào. Đảng ủy saong urang pan akaok Rayo sap Viet Nam biak sang ka, ba mbuan lagaih saong pachreih dom urang rabaih umo  tame ngak dom bruk yau nan”

Piah ka bruk halan hatian hu rilo jak jeng jang, kapul dam dara rayo sap ndom Việt Nam pambuak saong kapul dam dara Thông tấn xã Việt Nam hu mbaoh tangin pabmuak bruk daong gauk ngak danak dak halan hatian "Ước mơ cho em", ngan saong dom bruk  daong ka dom adei sang kan kathaot daok di bhum glaong, daong ka dom adei hu mbuan lagaih piah yam tagok dalm bruk bac da-a jeng yau dalm raidiuk. Sa-ai Lê Minh Đức, Bí thư Đoàn Thông tấn xã Việt Nam lac:“ Bí thư di 2 gah hu biai gauk  ka dom danak dak halan hatian  hu makna dalam di abih saong meda ngak hu. Dalam thun 2019 ini, 2 gah brei ngak sa danak dak pamaong tal thiếu nhi bhum glaong hu raidiuk kan kandah.Yau ye  daong ka dom adei pandap panda, labik piah bac da-a. Meda brei padang sang bac, padang ngak gilang tapuk, tui bruk di anak meta saong tui bruk jak ba gah langiu di dua gah.”

  Meng bruk daong di dom doanh nghiệp saong bruk rik daong di urang jakar, urang vak, bien tap vien, urang ky thuat, dalam bian 3 ini, Ban Thời sự (VOV1) hu peih bruk padang ngak sang bac mam non Yên Khương, huyện Lang Chánh, tỉnh Thanh Hóa ngan saong phun jien buh tame ngak abih tih jaik 1 tỷ đồng saong caga padang ngak veik sa baoh sang bac karei tra pak tỉnh Tuyên Quang ngan saong phun jien labaih 500 triệu đồng. Hadei di tuk ngak salah blaoh, dom labik sang bac ini hu rik daong ka anai gru, cei gru jeng yau dom adei hu labik pato,  labik bac da-a siam jang./.