Tlam lơ 8/4, ăt amăng jơlan hơdră mă bruă jơnuk lok sa, khua mua pơ ala mơnuih ƀôn sang dêh čar tal XVI, ƀing pơ ala pơčrong sai  amăng grup kơ klâo mơta kơčăo bruă pơhrua glăi tơlơi phiăn kah hăng: Tơlơi phiăn plơi prong jưh jom, Tơlơi phiăn Pơplông hăng apah bơni laih anun Tơlơi phiăn ngă yang rơbang, tơlơi đăo. Amăng anun, Kơčăo bruă tơlơi phiăn plơi prong jưh jom čih pơkra glăi dưi pơtong rơđah, anŏ phun lĕ pơpha tơlơi dưi gưl mă bruă kơ abih bang amăng gong gai Hà Nội, lir hơbit hăng mơnuih mă bruă, tơlơi phiăn pơkă krăp lăng hăng gơgrong ba bruă mă rơđah rơđong.

Hơdôm jơlan hơdră anăp nao pơsir hĭ hơdôm tơlơi kơđông jơlan glông nao rai, ayuh hyiăng anih dŏ jum dar, plơi prong hăng pơtum mơnuih mă bruă pơđĭ kyar. Pơgôp hiăp kơ Tơlơi phiăn plơi prong jưh jom čih ming pơkra glăi, Khua  git gai pơ ala mơnuih ƀôn sang dêh čar ơi Trần Thanh Mẫn brơi thâo, bruă kiăng ngă Tơlơi phiăn anai khom pơpha  tơlơi dưi gưl mă bruă, pơpha djop, đut tơhnal gong gai ƀôn prong Hà Nội tui tơlơi pơtrun: Hà Nội pơsit mă, Hà Nội mă bruă, Hà Nội glăm ba. Khua git gai pơ ala mơnuih ƀôn sang dêh čar ăt lăi pơthâo hơdôm tơlơi ƀuh rơđah amăng tơlơi phiăn phrâo kah hăng : Pok pơhư prong tơlơi ngă tui amăng tơlơi phiăn; pơhrua nao hơdôm mơta tơlơi pơkă; akŏ pơdong anom bruă gong gai kơnuk kơna bơwih ƀong huă phara; kơtưn tơlơi dưi pơphun amăng bruă mă kơ Khul pơ ala mơnuih ƀôn sang amăng ƀôn prong….