VOV. Jarai- Ƀơi hơdôm boh plơi pla kual ataih yaih, kual mơnuih ƀôn sang djuai ƀiă mơ̆ng Dap Kơdư, hăng tơlơi lăng ba mơ̆ng Ping gah, Kơnuk kơna, pran jua gum pơgôp găn rơgao hrưn đĭ mơ̆ng mơnuih ƀôn sang hăng tơlơi triang jik bruă ngă hmua, tơlơi hơdip neh met wa jai hrơi đĭ tui. Čơkă thun phrâo 2026, tơlơi hok kơdok hơmâo ƀơi djŏp plơi pla Dap Kơdư, lơ̆m neh met wa lăng glăi hơdôm tơlơi pơplih tŭ yua mơ̆ng lŏn ia, mơ̆ng tơring hăng mơ̆ng plơi pla pô.

VOV.Jarai-Amăng tơlơi pơhing hrơi anai ƀing gơmơi jŭ yap glăi 10 tơlơi pơhing hmư̆ hing hloh thun 2025 yua Gong phun jua pơhiăp dêh čar Việt Nam ruah mă; anai lĕ hơdôm tơlơi kơđŏm glăi yôm phăn, pơƀuh tong ten tơlơi yak nao, tơlơi gir run hăng pran kơtang mơng Việt Nam amăng glông jơlan pơplih phrâo.

VOV.Jarai-Hơdôm hrơi rơnuč thun, Ping gah hăng mơnuih ƀôn sang tơring čar Dak Lak hlăk pơtrut tañ djop mơta bruă mă, ngă rah bruă prăp lui čơkă thun phrâo 2026, laih anun anăp nao čơkă jơnum prong ruah khua ping gah amăng dêh čar tal 14. Hrơi mông mă bruă dik dăk ƀơi djop anih, ring bruă pơkra jơlan man pơdong phun ƀơi Dak Lak. Hơdôm arăt jơlan phrâo čuk, kơčăo bruă pơprong čang rơmang pơphun mă bruă ƀu kơnong kiăng tañ pơtruh nao rai anih anom pơđĭ kyar đôč ôh, dŏ pok brơi jơlan pơđĭ kyar phrâo, ngă tui djơ̆ Hră pơtrun mơ̆ng tơring čar hăng djop tơhnal pơkă bơwih ƀong huă mrô đĭ kyar 10% amăng črăn phrâo pơ anăp adih.

VOV.Jarai - Khua git gai Ping gah kiăng, pơ anăp Sang hră Kơđi čar dêh čar djă anăn Hồ Chí Minh pơƀut ngă 6 jơlan hơdră hăng bruă mă akŏ phun, pơplih phrâo bruă pơtô pơjuăt ƀing khua tui jơlan sit nik, tŭ yua, pơplih phrâo.

VOV.Jarai - Lơ 30/12, Khua dêh čar ơi Phạm Minh Chính git gai Jơnum lăi pơthâo pok pơhai djŏp Tơlơi pơtrun mơ̆ng Khua mua pơ ala mơnuih ƀôn sang dêh čar kơ pơklaih brơi tơlơi gun hăng hơdôm kơčăo bruă hăng Jơlan hơdră dêh čar pơtrun man pơdong plơi pla phrâo, hrŏ trun ƀun rin hơđong kjăp hăng đĭ kyar bơwih ƀong huă mơnuih mơnam kual mơnuih ƀôn sang djuai ƀiă hăng čư̆ siăng.

VOV.Jarai -  Čơkă thun phrâo 2026 hăng pơhưč tuai hyu gnui amăng hrơi pơdơi akŏ thun phrâo, tơring čar Dak Lăk, Gia Lai hăng Quảng Ngãi pơphun lu bruă ngui ngor, adoh suang mơak biă mă.

VOV.Jarai-Lơ 30/12, ƀơi Sang bruă Kơnuk kơna, Khua dêh čar ơi Phạm Minh Chính git gai jơnum pơƀut bruă mă anăn “Bruă mă Quang Trung” man pơdong tañ, hmar, pơkra ming sang kơ mơnuih ƀôn sang răm ƀăm yua kơthel ia ling dăo ngă ƀơi kual Tong krah hăng Dap Kơdư.

VOV.Jarai - Tơring čar Lâm Đồng glăk ječ ameč ngă pơgiong “Bruă mă Quang Trung”, hơdeč hmar man pơdong, pơkra ming sang dŏ kơ hơdôm boh sang anŏ răm rai yua kơthel ia dăo ngă hlâo lơ 15/1/2026.

VOV.Jarai - Mơguah lơ 29/12, ƀơi Hà Nội, Khua dêh čar ơi Phạm Minh Chính git gai Jơnum bruă “Pơhlom rơnuk rơnua, hơđong kjăp bơwih đĭ kyar bơwih ƀong huă - mơnuih mơnam kual lŏn dăo ia krông Cửu Long”.

VOV.Jarai - Lơ 29/12, ƀơi phường Thống Nhất, tơring čar Gia Lai, Đại tướng Nguyễn Trọng Nghĩa, Ding kơna ding jum kơđi čar, Khua anom bruă phun Kơđi čar Ling tơhan mơnuih ƀôn sang Việt Nam git gai Jơnum pơbưp ƀing tha plơi, khua plơi, mơnuih ană plơi kơnang, ană plơi tui, ƀing khua đăo ƀơi hơdôm boh plơi pla Dap Kơdư.