VOV4.Jarai - Lơ 14/4, ƀơi mông Jơnum tui akŏ bruă tal 114, Khul khua apăn bruă phun Ping gah tơring čar Dak Lăk lăi pơthâo tơlơi pơsit mơ̆ng Khul khua git gai Ping gah kơ bruă brơi ơi Phạm Ngọc Nghị - Khua Jơnum min mơnuih ƀôn sang tơring čar Dak Lăk - pơdơi bruă hlâo kơ thun pơkă.

VOV4.Jarai - Tlam lơ 14/4, tơdơi kơ mông čơkă ƀơi Sang bruă Ping gah, Khua git gai Ping gah ơi Tô Lâm hơmâo jơnum bơkơtuai hăng Khua git gai Ping gah, Khua mir sir dêh čar Khač ơi Tập Cận Bình.

VOV4.Jarai-Mơguah tom brơi (14/4), Khua mir sir ơi Lương Cường nao pơ tơdrŏn rơdêh por jar kmar Nội Bài čơkă Khua git gai Ping gah, Khua mir sir ơi Tập Cận Bình hăng ƀing khua mua pơprong mơng dêh čar Khač rai čuă gưl kơnuk kơna pơ Việt Nam.

VOV4.Jarai-Khua pơ ala mơnuih ƀôn sang tơring čar Dak Lak hơmâo mông mă bruă hăng Khul pơ ala mơnuih ƀôn sang, Jơnum mơnuih ƀôn sang, Jơnum min djop djuai ania mơnuih mơnam Việt Nam tơring čar hăng khua mua djop gơnong bruă, sang bruă kiăng prap lui boh tơhnal brơi jơnum lok 9, Khua pơ ala mơnuih ƀôn sang dêh čar tal XV.

VOV4.Jarai - Dong mơ̆ng hrơi lŏn ia tlaih rơngai abih bang, bruă bơwih ƀong mơnuih mơnam mơ̆ng tơring čar Sóc Trăng, biă ñu kual neh wa djuai ania ƀiă ƀu pơdơi pơplih phrâo, tơlơi hơdip mơda gơnam tam, pran jua mơ̆ng mơnuih ƀôn sang dưi pơđĭ tui rơđah rơđông.

VOV4.Jarai - Khua git gai Ping gah dêh čar ta ơi Tô Lâm, Khua Grŭp črâo ba git gai mông Jơnum tal 3 Grŭp črâo ba bruă Ping gah dêh čar klah čun Tơlơi pơtrun pơsit 18.

VOV4.Jarai - Khua git gai pơ ala mơnuih ƀôn sang dêh čar ơi Trần Thanh Mẫn lăi rơđah, bruă pơplih pơkra Phiah phiăn lĕ bruă jao biă ñu yôm phăn hăng mrô bruă prong biă, bơdjơ̆ nao bruă gơgrong mơ̆ng lu ƀirô, pơphun, nao hrŏm hăng hơdră pơtrun rơbô̆t, dưm dăp glông bruă čar amăng abih bang glông bruă kơđi čar, tui Klah čun mrô 126, 127 mơ̆ng Ding jum kơđi čar hăng Grŭp črâo ba Ping gah dêh čar.

VOV4.Jarai - Lơ 14/4, khua Jơnum min mơnuih ƀôn sang tơring čar Lâm Đồng brơi thâo hmâo laih hră pơ-ar mơ-ĭt kơ gơnong bruă, grŭp, anom bruă amăng tơring čar rơkâo tañ hăng gơgrong hlâo gum hrŏm hăng hơdôm bôh anom bơdjơ̆ nao mơ̆ng dua bôh tơring čar Dak Nông hăng Bình Thuận akô̆ pơjing akô̆ bruă pơmut hrŏm 3 bôh tơring čar.

VOV4.Jarai - Amăng bruă ruah mơnuih ngă khua, pơtŏng glăi tơlơi apăn bruă mơ̆ng ƀing khua jing bruă yôm biă mă đah mơ̆ng pơđĭ tui tơlơi apăn bruă mơ̆ng mơnuih mă bruă kơnuk kơna. Khă hnun, sit biă ñu ƀơi lu anom bruă brơi ƀuh bruă ngă anai ăt aka ƀu rơđah rơđông, aka ƀu rơđah ôh tơlơi gum pơgôp mơ̆ng rim čô mơnuih mă bruă. Kiăng pơsir hĭ tơlơi anai, Anom pơphun bruă Ping gah tơring čar Dak Lăk hơmâo pơplih yôm, anun lĕ mă yua hơnong pơkă rơđah rơđông kơ bruă kiăng ngă hăng tơlơi rơgơi ngă bruă rim blan. Bruă hơmâo hơnong pơkă rơđah, sem lăng djơ̆ tui hăng akŏ bruă jao, jing pơtrut pran jua khua mua, mơnuih mă bruă gir hloh dong.

VOV4.Jarai-Khul apăn bruă Ping gah tơring čar Quảng Ngãi hăng Khul apăn bruă Ping gah tơring čar Kon Tum pơphun jơnum pơčrông sai pok pơhai sa, dua boh tơhnal bơdjơ̆ nao bruă pơmut anih anom mă bruă gưl tơring čar tui tơlơi črâo trun mơng gơnong glông.