VOV.Jarai - Khua git gai Ping gah kiăng, Anom djă pioh hră pơ-ar mrô dêh čar ta kiăng lăi pơthâo tong ten, pok pơhai ngă klă 5 tơlơi anăp nao prong, amăng anun pơƀut akŏ pơdong Anom bruă jing “hơtai boh” mơ̆ng bơwih ƀong kiăo tui hră pơ-ar mrô, mơnuih ƀôn sang mă yua hră pơ-ar mrô.

VOV.Jarai-Amăng bruă pơplih phrâo hăng mut hrŏm, anih anom, jơlan glông lêng pơsit kar hăng “kơtăk drah” amăng tơlơi bơwih ƀong huă. Rơwang ngă bruă Jơnum tal XIII mơng Ping gah kơđŏm glăi hơdôm tơlơi yak nao prong kơtang amăng tơlơi pơmĭn hăng bruă mă, lơm pơtrut kơtang kơ bruă man pơkra anih anom, jơlan glông, hơmâo pok pơhai khut khăt, ha amăng plĕ, ngă atur akŏ phun kiăng ngă tui tơlơi rơkâo pơđĭ kyar lŏn ia prong kơtang, pơdrong sah. Ƀing ta lăng glăi hơdôm tơlơi dưi amăng pơđĭ kyar anih anom 5 thun rơgao, hơdôm jơlan gah pơprong amăng čră tơlơi pơtrun Jơnum Ping gah đơ đam dêh čar tal XIV kơ pơđĭ kyar anih anom amăng rơwang pơ anăp.

VOV.Jarai-Mơguah lơ 29/12, ƀơi Hà Nội, grup djru ba pơphun bruă djru brơi Jơnum tal 14 mơng Ping gah, anom bruă čih tơlơi pơhing Jơnum tal 14 mơng Ping gah pơphun jơnum lok 2.

VOV.Jarai-Ƀơi Sang gru grua mă bruă giang mah Việt Xô, keh prăk djru čơđai Việt Nam pơphun jơlan hơdră “Bơyan bơnga brơi čơđai” tal 19 hăng anăn “Tŏ tui na nao tơlơi hok mơ-ak”.

VOV.Jarai-Tlam tom brơi (28/12), Khua dêh čar ơi Phạm Minh Chính hăng ƀing khua pơ ala mơnuih ƀôn sang ƀôn prong Cần Thơ hơmâo mông bưp mơnuih ƀôn sang ruah khua tơdơi kơ jơnum lok 10, Khua pơ ala mơnuih ƀôn sang dêh čar tal 15.

VOV.Jarai - Tơdơi kơ dăp glăi giong anom bruă kơnuk kơna hăng mă yua gong gai dua gưl, tơring čar Dak Lăk glăk pơtrut pơplih anom bruă kơnuk kơna nao hrŏm hăng mă yua boh thâo mrô, mă ană mơnuih ta yơh phun či bơwih brơi. Bruă pok pơhai ha amăng plĕ Kơčăo bruă 06 mơ̆ng Kơnuk kơna glăk pơplih rơđah rơđông amăng bruă wai lăng kơnuk kơna, pơđĭ tui anŏ klă bruă ngă hră bơwih brơi mơnuih ƀôn sang amăng ƀôn lan.

VOV.Jarai - Jơnum anai pơsit mơnuih ƀôn sang Việt Nam dŏ pơ čar rơngiao jing ha bơnah ƀu dưi pơčlah đuăi mơ̆ng mơnuih ƀôn sang djŏp djuai ania, jing khul mơnuih pơtrut đĭ kyar lŏn ia ta mơn.

VOV.Jarai - Ƀơi Hà Nội, Kơ-iăng khua dêh čar ơi Lê Thành Long git gai Jơnum pơtum glăi Jơlan hơdră ngă hrŏm plah wah Kơnuk kơna hăng Khul mơnuih ngă hmua Việt Nam hăng Khul đah kơmơi Việt Nam kơ “Pôr pơthâo ngă hmua, pơkra gơnam, sĭ mơdrô gơnam mơ̆ng hmua, mơnŏng ƀong huă hơdjă, rơnuk rơnua yua kơ tơlơi suaih pral kơ mơnuih ƀôn sang, đĭ kyar hơđong kjăp rơwang thun 2021-2025”.

VOV.Jarai-Tơdơi kơ tal hơjan ia ling dăo kơtang hloh rơnuč thun, hrŏm hăng bruă rŭ pơdong glăi sang dŏ, ngă đang hmua, lu mơnuih ƀơi hơdôm să gah Ngŏ tơring čar Dak Lak (tơring čar Phú Yên hơđăp) ăt dong ƀơi anăp lu tơlơi tơnap tap: hră pơ-ar kơ ta pô, lu hră pơ-ar djơ̆ ia, răm rai ƀudah ia kor đuăi abih. Bruă pơkra glăi hră pơ-ar glăk lu tui, ngă glêh tơnap brơi lu anih anom ƀơi ƀon lan lơm hơdôm anih mă bruă anai phrâo ia dăo mơn.

VOV.Jarai-Hơdôm hrơi hăng anai, amăng lu plơi pla ƀôn ƀut kual ia ling dăo tơring čar Khánh Hòa, ăt blư̆ kup blư̆ đang ƀuh rup rap, pô̆ tơpư̆ mă bruă ƀing tơhan soh yơh akŏ klôn rô nao rai man pơdong, ming pơkra glăi sang kơ ană plơi. Tui anun, na nao amăng giăm dua blan hăng anai, yap mơ̆ng hrơi hơmâo rơbŭ kơthel ia ling dăo ngă abih hơdôm hrơi hyu djru pơklaih brơi mơnuih ƀôn sang amăng ia lip, pok pơhai ngă tui Bruă mă Quang Trung, ling tơhan jing ƀing ngă bruă phun, kơsung nao hlâo amăng bruă pơhlom, pơgang hăng pơsir tơlơi răm ƀăm lŏn adai ngă.