Jơnum min mơnuih ƀôn sang tơring čar Lâm Đồng kiăng anom apăn bruă pel ĕp sem lăng kjăp djŏp anih sĭ ia săng ia jâo; tañ ƀuh hăng bơtơhmal mơtăm bruă djă pioh, ƀu ba sĭ, ngă soh tơlơi phiăn anŏ klă gơnam tam, hră blơi gơnam hăng điện tử, hrơi sĭ hăng nua sĭ. Hơdôm anom mơdrô ia săng ia jâo ăt kiăng kah pơpha pơtô brơi anih blơi ia jâo lăp djơ̆ amăng anih ba hyu sĭ mơdrô hŭi kơ ƀu hơmâo ia săng ia jâo či sĭ. Ră anai, ia săng ia jâo ƀơi Lâm Đồng hơmâo djŏp mơn.

Khă hnun, ƀơi anăp tơlơi rung răng ƀu thâo hlâo mơ̆ng anih mơdrô ƀơi rŏng lŏn tơnah, anom wai lăng bruă anai ƀơi Lâm Đồng glăk krăp lăng dong mơn anih sĭ mơdrô, laih dong pơtă hlâo mơnuih ƀôn sang anăm blơi pioh lui ôh amăng sang ƀudah amăng anih dŏ, hŭi apui ƀong, pơtuh hăng pơhlom rơnuk rơnua./.