Khul khua nao lăng ƀơi anih plĕ hră mrô 38, ƀut plơi  5 Tự An, phường Buôn Ma Thuột, Dak Lăk. Tơdơi kơ sem lăng, khul khua hơmâo ngă bruă hăng Jơnum min ruah khua tơring čar Dak Lăk kơ bruă prăp rơmet plĕ hră ruah khua pơ anai.

Pơhiăp ƀơi mông ngă bruă, ơi Trần Sỹ Thanh bơni biă kơ pran jua ngă bruă mơ̆ng tơring čar Dak Lăk amăng bruă git gai, pok pơhai bruă plĕ hră. Yua kual lŏn prong, plơi pla lu, lu kual ataih, asuek hăng lu mơnuih djuai ania ƀiă, tơring čar khut ƀu dưi pơ-ai, khŏm răng kơđiăng, khŏm lăng klă, prăp rơmet tong ten. Dak Lăk kiăng kiăo tui tơlơi git gai mơ̆ng Gơnong dlông hăng Khul ruah khua dêh čar; thâo kjăp tơlơi hơmâo amăng plơi pla, pơhlom rơnuk rơnua ƀơi anih plĕ hră; prăp lui djŏp gơnam yua, mơnuih mă bruă pơtô brơi mơnuih ƀôn sang nao plĕ hră djơ̆ tơlơi pơtrun./.