Đĭ pơhiăp amăng mông jơnum, ơi Trần Thanh Mẫn, khua git gai pơ ala mơnuih ƀôn sang dêh čar ta brơi thâo, Jơnum kiăng pơčrong sai, tŭ ư hĭ boh yom phun jơlan hơdră jơnum lok sa pioh djop sang bruă, pơčrong sai hlâo, tŭ ư boh yom phun jơlan hơdră pơphun jơnum, tañ jŭ yap glăi tơlơi pơhing, bruă prăp lui kiăng jơnum lok sa jing jơnum lok blung a mơ̆ng rơwang bruă  tal 16 pơphun hruaih, tŭ yua klă, hơmâo boh tơhnal hiam klă hloh.

Jơnum lok sa amra pơphun amăng lơ 6/4, him lăng pơđut tal jơnum amăng lơ 25/4 hăng pơpha jing dua tal jơnum lok anai. Ƀing pơ ala mơnuih ƀôn sang dêh čar amra sem lăng: bruă mă pơphun sang bruă kơnuk kơna, mrô mơnuih apăn bruă, ngă khua amăng dêh čar; bruă čih pơkra tơlơi phiăn dêh čar; hơdôm boh yom phun pơdjơ̆ nao bruă krăp lăng, tơlơi bơwih ƀong huă mơnuih mơnam, prăk kăk kông ngăn lŏn ia.

Klah čun ƀơi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi lĕ, jơnum lok sa anai jing jơnum lok blung a rơwang bruă phrâo tal XVI, anun yơh hơdôm tơlơi pơkă abih bang kơ bruă pơphun, dăp glăi kơnuk kơna, khul mơnuih mă bruă hăng akŏ bruă 5 thun tŏ tui amăng sa rơwang bruă amra sem lăng tong ten, pơsit tong.