Lăi bơngơ̆t biă kơ tơlơi rung răng apui ayuh, ia jâo, dua čô khua pơsit kiăng ngă hrŏm kơtang hloh pơhlom hơđong apui yua, ia jâo. Hăng pran jua pơpŭ kơ tơlơi ngă hrŏm hăng Việt Nam, Khua mir sir UAE brơi thâo, amra djru abih pran jua mơtăm yơh hăng tơlơi kiăng yua ia jâo ƀơi mông anai hăng sui pơ anăp mơ̆ng Việt Nam.

Amăng mông pơhiăp, dua čô khua hơmâo pơčrông dlăm biă kơ hơdră pơtrut tui tơlơi ngă hrŏm dua bơnah, biă ñu amăng bruă lăp djơ̆ hăng tơlơi đing nao, tơlơi dưi ngă hloh mơ̆ng dua bơnah kah hăng tuh pơ alin prăk amăng Anom bruă prăk jar kmar ƀơi Việt Nam, gir pơtrut bruă tuh pơ alin akŏ phun gah boh thâo ia rơgơi, man pơdong anih anom, jơlan nao rai, logistics, đah mơ̆ng dưi hơmâo rơnoh prăk sĭ mơdrô dua bơnah 10 klai USD tañ hloh./.