Pơhiăp ƀơi mông ngă bruă, Khua git gai pơ ala mơnuih ƀôn sang dêh čar brơi thâo, mơ̆ng bruă pel ĕp sem lăng tal anai, kiăng pơtŏng glăi abih bang djŏp bruă git gai, črâo bruă mơ̆ng Khul khua apăn bruă Ping gah djŏp anom bruă Ping gah gơnong dlông amăng bruă pok pơhai ngă tui Tơlơi pơtrun Jơnum ping gah dêh čar tal 14 - hră yom biă mă kiăng đĭ kyar lŏn ia ta amăng rơwang thun pơ anăp.

Tơlơi pel ĕp sem lăng pơƀut amăng bruă kơsem min, hrăm bruă, pơthâo rơđah hăng pôr pơhing Tơlơi pơtrun; bruă čih pơkra, pok pơhai jơlan hơdră ngă bruă tui Tơlơi pơtrun; laih dong ngă rơđah boh than hơmâo ngă, ăt kah hăng tơlơi aka ƀu dưi, tơlơi tơnap, dŏ gun amăng bruă ngă tui. Rơngiao kơ anun, khul mă bruă hơmâo pel ĕp, sem lăng bruă git gai, črâo bruă ngă tui Tơlơi pơčrâo trun mrô 46 mơ̆ng Ding jum kơđi čar kơ git gai plĕ hră ruah khua pơ ala mơnuih ƀôn sang dêh čar tal 16 hăng ruah khua pơ ala mơnuih ƀôn sang djŏp gưl rơwang thun 2026-2031./.