VOV. Jảai- Ƀơi Hà Nội, Anom bruă phun Kơđi čar jơnum pơƀut bruă mă amăng ping gah, kơđi čar thun 2025, Khua tơhan krên dên ơi Nguyễn Trọng Nghĩa, ding kơna ding jum kơđi čar, ding kơna khul git gai ping gah dêh čar, Khua anom bruă kơđi čar pô git gai jơnum.

VOV.Jarai-Tlam lơ 18/12, ƀơi sang bruă kơnuk kơna, ơi Phạm Minh Chính, Khua dêh čar hơmâo tŭ jum Khua ding jum pơtom hiăp dêh čar Lao, ơi Thongsavanh Phomvihane, hlăk rai čuă jơmư dêh čar Việt Nam laih anun git gai hrŏm bruă pơčrong sai kơđi čar gưl kơnuk kơna gah bruă pơtom hiăp tal 12.

VOV.Jarai - Kơ-iăng khua dêh čar lăi dlăm tơlơi gum bruă yom mơ̆ng neh met wa đăo Khop amăng khul gum pơgop djuai ania, gum pơgôp đĭ kyar bơwih ƀong huă - mơnuih mơnam mơ̆ng lŏn ia.

VOV.Jarai-Tơdơi kơ hơjan ia ling dăo kơtang hloh ngă lŏn tơhroh răm rai kơtang ƀơi să Tuy An, gah Ngŏ tơring čar Dak Lak (Phú Yên hơđăp), gong gai hăng mơnuih ƀôn sang glăk ječ ameč pok pơhai bruă pơdong glăi plơi pla phrâo brơi 35 boh sang anŏ dong amăng kual hŭi rơhyưt biă mă. Lu sang anŏ sang glưh, glăk dŏ hơdip ƀơi anih dŏ jang jai, dong ƀơi anăp kơ tơlơi hŭi rơhyưt sui pơ anăp, arăng khŏm ba đuăi ječ. Tui tơlơi sit nik anai, tơlơi mut hrŏm mơng mơnuih ƀôn sang kơ anih dŏ hơdip phrâo hrŏm tơlơi gir run mơng gong gai ƀon lan djop gưl jing tơlơi akŏ phun kiăng tañ ngă hơđong tơlơi hơdip kơ neh met wa.

VOV.Jarai-Anom bruă kơnuk kơna phrâo anai, hơmâo kĭ hră pơtrun suh ĕp kiăo mă Khua Khul ding kơna git gai kông ty boh thâo ia rơgơi Công nghệ NhoNho, pioh ĕp kơđi tơlơi soh mă prăk la pơdjơ̆ nao kơ bruă sĭ blơi gru mrô pơsit anih pla, ngă hră pơsit pel ĕp anŏ hiam sĭ mơdrô boh sầu riêng juăt lăi boh durian, ba nao pơ dêh čar Khač. Anai lĕ, ƀu djơ̆ kơnong kơđi tơlơi soh sat hơjăn pô hlơi ôh, yua pơdjơ̆ nao kơ lu anih, lu mơnuih, kiăng lăi pơthâo rơđah anŏ kơƀah sui thun amăng bruă wai lăng bruă sĭ mơdrô pơhlom nua sĭ boh durian-anom bruă sĭ mơdrô boh čroh anai hlăk jing bruă phun sĭ mơdrô boh čroh đang hmua mơ̆ng Việt Nam nao tač rơngiao.

VOV.Jarai - Mơguah tom brơi (17/12), ƀơi Sang bruă Kơnuk kơna, Khua dêh čar ơi Phạm Minh Chính git gai jơnum lok 4 mơ̆ng Khul git gai bruă Gơnong dlông kơ bruă djru sang dŏ hăng sĭ mơdrô lŏn sang đang hmua.

VOV.Jarai - Khua dêh čar lăi pran jua “Bruă mă Quang Trung” ƀu hơmâo jua phao kơtuang ôh, samơ̆ khŏm truh kih, kiăng mơnuih ƀôn sang đăo kơnang tañ hơđong glăi tơlơi hơdip mơda.

VOV.Jarai - Ƀrô hrơi ngui Noel thun 2025, Ping gah, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam tơring čar Lâm Đồng nao čuă, bơni hơ-ơč kơ Anom bruă wai lăng khul đăo Khŏp Phan Thiết (Kual plơi prong Phan Thiết, Bình Thuận hơđăp) hăng Ama prong Đỗ Mạnh Hùng, Khua wai lăng khul đăo Khŏp Phan Thiết, Khua čih pioh Khul wai lăng đăo khŏp Việt Nam.

VOV.Jarai - Jơnum min djŏp djuai ania mơnuih mơnam Việt Nam tŭ yap, bơni biă mă kơ pran jua “Pơpŭ kơ Ơi adai - Khăp kơ lŏn ia”, “Hơdip hiam tui tơlơi pơtô mơ̆ng ơi adai mut hrŏm hăng mơnuih tơpuôl” mơ̆ng neh met wa tui đăo Khŏp hăng đăo Tin lành hrơi blan rơgao.

VOV.Jarai - Jơnum min djŏp djuai ania mơnuih mơnam Việt Nam tơring čar Dak Lăk pơsit 6 jơlan hơdră ngă bruă akŏ phun, anăp nao kiăng abih bang mơnuih tŭ ư, pơtrut tui pran mơnuih ƀôn sang amăng rơwang phrâo.