Hăng akŏ pia “Pơblih phrâo kơtang hơdră či ngă bruă mơ̆ng Khul tơdăm dra mut phung”, Blan Hlăk ai pok pơhai 12 tơhnal pơkă phun, pơtum nao kơ bruă pơtô pơjuăt kơđi čar, pơblih yua mrô, djru pơsir ba tơlơi hơdip mơda mơnuih mơnam hăng djru hlăk ai pơhrăm drơi jăn, akŏ pơdong bruă mă.

Ƀrô djơ̆ tal anai, anom bruă Khul tơdăm dra mut phung tơring čar hơmâo jak iâu pơplông online, hơduah ĕp hrăm tong ten boh yom phun Hră pơtrun jơnum ruah khua ping gah dêh čả hăng hră pơtrun jơnum ruah khua Hlăk ai djop gưl; ngă tui tơlơi jak iâu bơyan Têt pla kyâo; jao ring bruă kơ hlăk ai pơphun ngă hăng ƀơk gơnam kơ čơđai sang hră, ling tơhan puih kơđông pơgang guai dêh čar, amăng jang tơdrun kompan Vũng Rô. Tơdơi kơ jơnum ngă yang pơphun bruă mă, ƀing hlăk ai pơphun pla kyâo, rơnăk anih dŏ jum dar, tơgŭ man pơkra tơdron pah boh lông hăng ba yua anih pơyiong jua wifi brơi yua soh đôč ƀu mă prăk ôh. Abih tih rơnoh prăk giăm truh 200 klăk prăk.