Kiăng rĭm čô mơnuih ƀôn sang ruah khua hơmâo hră plĕ hmao tlôn hăng djơ̆ tơlơi pơkă, kông ang tơring čar Dak lak pơsit pel ĕp, čih anăn mơnuih ƀôn sang ruah khua lĕ bruă yôm phăn. Anih anom gơgrong gum hrŏm kjăp phik hăng Jơnum min plĕ hră djop gưl amăng bruă ĕp lăng, pơƀuh nao rai hăng kiăo tui lăng hră pơhing mơnuih ƀôn sang.

Bruă phun lĕ dưm tơlơi pơhing amăng măi mok, pơlăng nao rai tơlơi pơhing mơng anih djă pioh dêh čar kơ mrô mơnuih, mơng anun plai ƀiă ƀuh soh glăi, luk puk ƀudah ƀu djop. Bruă yua plang djă pioh ƀu djơ̆ kơnong kiăng ngă djơ̆, rơđah rơđông amăng bruă čih glăi anăn mơnuih ƀôn sang ruah khua đôč ôh mơ̆ ăt ngă gêh gal amăng bruă in hră, ngă brơi kak mơnuih ƀôn sang ruah khua, pơhlôm abih bang mơnuih djop tơlơi gal nao plĕ hră.

Kông ang tơring čar Dak Lak hơmâo pơphun ngă bruă, akŏ pơjing 10 grup mă bruă hăng rơbêh 300 čô mơnuih apăn bruă, tơhan kông nao nao tơl 102 boh să, phường kiăng kiăo tui lăng tơlơi sit nik, hmao tlôn pơsir hĭ hơdôm bruă phrâo ƀuh, sit biă ñu ƀơi hơdôm anih akŏ phun.