Mơguah tom brơi (lơ 2/3), ƀơi sang bruă Ping gah, Khua git gai Ping gah ơi Tô Lâm git gai ngă bruă hăng Anom bruă pơgang hưm ham kông ngăn Kơnuk kơna hăng hơdôm anom bruă bơdjơ̆ nao či pơhmư̆ hăng pơgôp hiăp kơ Akŏ bruă “Tum pơƀut 20 thun ngă tui Tơlơi pơtrun Ping gah mrô 3 tal 10 kơ pơđĭ tui tơlơi git gai wai lăng mơ̆ng Ping gah hăng bruă pơhlom pơgang hưp ham ƀong kông ngăn, prai ngăn; pơdah thâo pơ Khul khua apăn bruă git gai ping gah dêh sem lăng, pơtrun Tơlơi pơtrun kơ bruă pơhlom pơgang hưp ham kông ngăn, prai ngăn khưi khai, ngă soh glăi amăng rơnuk phrâo”.

Pơhiăp klah čun mông ngă bruă, Khua git gai Ping gah ơi Tô Lâm lăi, bruă pơgang hưp ham kông ngăn, prai ngăn khưi khai jing bruă yom kơtang biă, hơmâo ngă re se, sui thun mơ̆ng bruă akŏ pơdong pơđĭ tui Ping gah hăng anom bruă kơđi čar. Khut khăt, gir pơgăn, gah lui tơlơi hưp ham kông ngăn, prai prăk khưi khai, ngă soh glăi jing tơlơi pơtrun, jơlan ngă bruă bơbruai, na nao mơ̆ng Ping gah, Kơnuk kơna ta. Yua hnun, bruă ngă tơlơi pơtrun pơđĭ tui tơlơi git gai mơ̆ng Ping gah hăng bruă pơgang hưp ham kông ngăn prai ngăn khưi khai mông anai ƀơi Jơnum Ping gah lok 2, tal 14, pơsit tơlơi lăng ba yom mơ̆ng Ping gah jing “tơlơi pơthâo sit” mơ̆ng Ping gah kơ bruă kiăng khut khăt, gir kơtir pơtrut tui bruă pơhlom pơgang, pơkơdong glăi “ayăt amăng lăm” amăng rơwang pơ anăp hăng tơlơi pơmin, hơdră ngă bruă phrâo./.