VOV4.Jarai - Mơguah lơ 22/3, Khul mơnuih ngă hmua Việt Nam pơphun jơnum lăng mơ̆ng ataih abih bang anih, lăi pơthâo, pơphun ngă tui Tơlơi pơtrun mrô 46 mơ̆ng Ding jum kơđi čar kơ pơplih phrâo, pơđĭ tui bruă mă mơ̆ng Khul mơnuih ngă hmua Việt Nam.

VOV4.Jarai – Thun phrâo rơgao, nua gơnam mă mơ̆ng đang hmua mơ̆ng tơring čar anai hmâo laih rơbêh kơ 34.300 klai prăk, đĭ lu hloh 14 wot, nua ngă đang hmua hơnong ñu hmâo 103 klăk prăk sa ektar, đĭ 90 klăk prăk bơhmu hăng thun 2004. Bruă đang hmua pơđĭ kyar hmâo djru Dak Nông tơtlaih mơ̆ng tơring čar ƀun rin hăng glăk hrưn đĭ jing tơring čar đĭ kyar mơ̆ng kual Dap Kơdư.

VOV4.Jarai-Mơguah lơ 21/3, Khua dêh čar ơi Phạm Minh Chính tŭ jum khua mua mơng hơdôm anom bơwih ƀong sĭ mơdrô amăng Khul bơwih ƀong dêh čar Mi-ASEAN rai čuă hăng mă bruă ƀơi Việt Nam.

VOV4.Jarai - Bruă pơkra jơlan nao rai yôm phun jơlan Hồ Chí Minh črăn bĕ gah Ngŏ plơi prong Buôn Ma Thuột hơmâo Ding jum jơlan glông pơdŭ pơgiăng pơhrua thim rơbêh 330 klai prăk laih pioh čuk pơkra pok jơlan samơ̆ ăt dŏ kaih đôč. Nao lăng ƀơi anăp, Khua jơnum min mơnuih ƀôn sang tơring čar Dak Lăk kiăng hơdôm anom bruă bơdjơ̆ nao gơgrong bruă hloh dong.

VOV4.Jarai - Ră anai glăk amăng bơyan không phang kơtang ƀơi Dak Lăk, bruă kiăng yua ia jing lu mơn. Anom bruă brơi ia yua hơdjă hăng Hơdjă anih hơdip plơi pla tơring čar glăk prăp lui djŏp mơta tơlơi hơmâo pơhlôm brơi ia yua hơđong, plai ƀiă kơƀah ia yua kơ mơnuih ƀôn sang.

VOV4.Jarai – Mơguah lơ 21/3, ƀơi plơi prong Nha Trang pơphun Jơnum pơbưp Khánh Hòa – Indonesia thun 2024.

VOV4.Jarai-Yă Võ Thị Ánh Xuân, Kơ-iăng Khua mir sir đĭ apăn bruă ngă khua mir sir jăng jai Lŏn ia Cộng hoà xã hội chủ nghĩa Việt Nam dơ̆ng mơ̆ng lơ 21/3/2024 truh kơ mông khua mua pơ ala mơnuih ƀôn sang dêh čar plĕ hră ruah glăi Khua mir sir phrâo.

VOV4.Jarai-Kual Dap Kơdư hlăk amăng bơyan không phang adai pơ-iă kơtang hloh, ia čroh hnoh, dơnao anet prong hrŏ, thu abih, hơdôm anih đơ đa hlong thu krô kreñ mơtam, sa tơdjôh ia ăt ƀu hơmâo dơ̆ng lơi. Anom bruă ngă hmua ƀơi djop tơring čar amăng kual hlăk hrŏm mơnuih ƀôn sang pok pơhai lu hơdră, pơhlôm djop ia brơi kơ bruă ngă hmua pla pơjing.

VOV4.Jarai - Tlam lơ 20/3, Khua dêh čar ơi Phạm Minh Chính tŭ jum ơi Karthik Rammohan, Kơ-iăng khua Grup bơwih ƀong Lam Research (Mi) hăng khua pơ ala Kông ti Seojin (Hàn Quốc).

VOV4.Jarai-Kơ-iăng khua dêh čar ơi Trần Hồng Hà phrâo git gai jơnum mă tơlơi pơgôp hiăp kơ akŏ bruă “Hơdră pơđĭ kyar pơtô pơjuăt rơwang truh thun 2030, anăp nao thun 2045”.