Grup hơmâo pel ĕp tơl anih ƀơi hơdôm kual plĕ hră mrô 38, phường Buôn Ma Thuột kơ bruă prap lui gơnam măi mok, bruă tĕp anăn lăi pơthâo mơnuih ƀôn sang ruah khua, ƀing tơbiă anăn, pơtop hrăm kơ bruă plĕ hră. Tui lăi pơthâo, kual plĕ hră mrô 38 hơmâo rơbêh 3.110 čô mơnuih ƀôn sang amăng ƀut plơi 5 hăng 8 nao plĕ hră. Truh ră anai, hơdôm bruă prap lui hrơi plĕ hră hơmâo pok pơhai djop, djơ̆ tơlơi pơkă; gơnam măi mok djru brơi tal plĕ hră hơmâo prap lui klă hloh.

Amăng mông jơnum hăng ƀing ding kơna Jơnum min plĕ hră tơring čar, yă Cao Thị Hòa An, Ding kơna Ping gah dêh čar, Kơ-iăng Khua git gai Ping gah tơring čar, Khua Jơnum min pơ ala mơnuih ƀôn sang tơring čar, Khua Jơnum min plĕ hră tơring čar Dak Lak rơkâo tŏ tui pel ĕp, ĕp lăng tong ten mrô mơnuih ƀôn sang ruah khua; pơtrut pơtô pơblang hăng lu jơlan hơdră kiăng pơtrut pran hur har mơ-ak amăng mơnuih ƀôn sang./.