3 blan tal 1 thun 2026, rơnoh đĭ kyar mơ̆ng Dak Lăk hơmâo năng ai 7,5%, prăk tuh pơ alin abih bang hơmâo rơbêh 12.200 klai, pơhrui glăi hơmâo rơbêh 5.000 klai. Ƀơi mông jơnum, ƀing khua pơƀut pơblang rơđah hơdôm tơlơi dŏ gun, aka ƀu găl, rơkâo đĭ lu tơlơi akŏ phun kơ tơlơi pơtrun, tơlơi djru hăng hơdôm tơlơi dŏ đom lơ̆m ngă bruă.

Hơdôm tơlơi pơgôp hiăp rơkâo đĭ Gơnong dlông tañ pơtrun rơnoh mă yua lŏn tơnah; pơklaih brơi kơčăo bruă dun glăi; pơkă rơđah tơlơi phiăn kah pơpha prăk kăk tuh pơ alin rơwang thun 2026-2030; laih dong ngă giong tơlơi pơkă kơ gong gai kơnuk kơna, bruă mă ƀơi sang să. Khul khua pơ ala mơnuih ƀôn sang dêh čar tơring čar Dak Lăk brơi thâo, bruă rơkâo čih pơkra tơlơi pơkă, hơdră djru ƀu kơnong kiăng pơklaih tơlơi tơnap đôč ôh, ăt kiăng pơčeh phrâo, pơtrut đĭ kyar hơđong. Khul khua amra pơƀut glăi, lăi pơthâo hơdôm tơlơi pơgôp hiăp hăng Khua mua pơ ala mơnuih ƀôn sang dêh čar laih anun Gơnong dlông đah mơ̆ng čih pơkra giong tơlơi phiăn, pơklaih brơi tơlơi gun, laih anun pơjing tơlơi phiăn lăp djơ̆ gêh găl či đĭ kyar pơ anăp./.