Pơhiăp đĭ amăng mông jơnum lok 56 mơ̆ng Jơnum apăn bruă phun pơ ala mơnuih ƀôn sang dêh čar tal 15 jơnum lok tal rơnuč, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, amăng abih sa rơwang bruă laih rơgao, Jơnum min apăn bruă phun pơ ala mơnuih ƀôn sang dêh čar hơmâo gum pơgôp nao rai, gir run, gơgrong ba, ngă hrŏm tong ten hăng kơnuk kơna, djop anom bruă pơdjơ̆ nao pok pơhai ngă tui lu bruă mă yom hăng pơprong, tơlơi kiăng tong ten, amăng anun lu bruă mă aka ƀu hơmâo djơ̆ ôh, yom hăng tơnap tap, djru nao amăng hrŏm amăng anom bruă pơ ala mơnuih ƀôn sang dêh čar tal XV hăng anŏ pơđĭ kyar hrŏm amăng lŏn ia.

Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, truh mông anai, bruă prăp lui jơnum lok sa, khua mua pơ ala mơnuih ƀôn sang dêh čar tal XVI ngă giong laih, djop djel hăng tong ten biă mă, kiăo tui jơlan hơdră, anăp ngă bruă mơ̆ng ping gah pơčrâo ba, brơi ngă tui djơ̆ bruă mă hơmâo sit nik hăng tơlơi pơtrun mơ̆ng tơlơi phiăn.

Khua git gai pơ ala mơnuih ƀôn sang dêh čar ơi Trần Thanh Mẫn pơtă pơtăn, mah rơwang bruă tal XV ƀiă pơđut laih, samơ̆ tơlơi glăm ba amăng bruă mă mơ̆ng Jơnum min apăn bruă pơ ala mơnuih ƀôn sang dêh čar, djop sang bruă gah anom bruă pơ ala mơnuih ƀôn sang dêh čar ăt dŏ prong đôč, mơ̆ng ră anai truh kơ mông ruah khua amăng Jơnum min apăn bruă phun pơ ala mơnuih ƀôn sang dêh čar laih anun ruah djop mơnuih apăn bruă ngă khua kơ anom bruă amăng sang bruă khua pơ ala mơnuih ƀôn sang dêh čar tal XVI, ngă giong bruă hlong jao glăi plah wah dua rơwang bruă hlâo hăng tŏ tui.