Tơdơi kơ pơmut glăi sang bruă kơnuk kơna, tơring čar Lâm Đồng hlăk ngă tui bruă pơkă glăi djop ƀut tuh tia pơkra ming, pơmin lăng tong ten čih anăn brơi lui pơkă glăi 6 ƀut tuh tia pơkra ming; pơblih mơ̆gn 14 boh ƀut tuh tia pơkra ming hơmâo pơkă hlâo samơ̆ aka ƀu pơhưč djơ̆ lăp bruă tuh pơ alin mă bruă, pioh pơđĭ kyar tơdơi kơ thun 2030.

Laih dơ̆ng, pơhrua phrâo 15 ƀut tuh tia pơkra ming pioh pơkă glăi mơ̆ng thun 2026-2030. Tui anun yơh, mơ̆ng thun 2026-2030, tơring čar Lâm Đồng pơkă kual 62 ƀut tuh tia pơkra ming prong rơbêh 2.300 hektar. Yă Cao Thị Thanh, Kơ-iăng Khua Gơnong bruă Tuh tia pơkra ming hăng sĭ mơdcrô tơring čar Lâm Đồng brơi thâo, tơlơi kiăng lĕ pơkă hnơ̆ng mơ̆ng kual tơnap aka ƀu pơhưč tuh pơ alin, ba nao pơ anih amuñ jak iâu tuh pơ alin hloh. Yua kơ anun, anăp bruă ƀư̆ pơkra glăi anŏ dăp hơdră, kiăng pơđĭ kyar anih tuh tia pơkra ming ƀơi tơring čar Lâm Đồng, pơtum lu hloh amăng kual ter hang ia rơsĭ, gah tơring čar Bình Thuận hơđăp.