Ƀơi mông bưp, Khua dêh čar ơi Phạm Minh Chính brơi thâo, tơlơi rô nao rai Việt Nam - Belarus jai klă hiam tui. Dua bơnah pơphun re se bruă pơtom hiăp khua mua pơprong; bơbưp nao rai amăng hơdôm mông jơnum jar kmar hăng jơnum lu bơnah.

Khua dêh čar čang rơmang dua bơnah ngă hrŏm kjăp tui gah ling tơhan, rơnuk rơnua, biă ñu pơtô pơjuăt ƀing khua pel ĕp anŏ găl kơđi, mơ̆ng anun pơjing rai hơdră ngă hrŏm pơ anăp. Khua dêh čar lăi, Jơnum min pơlir dua kơnuk kơna hơmâo ngă na nao, dua bơnah kiăng ngă hrŏm pel ĕp anŏ găl kơđi, djru brơi khua mua Việt Nam nao hrăm, kơsem min ƀơi Belarus đah mơ̆ng pơđĭ tui anŏ klă, rơgơi bruă pel ĕp, pơsit anŏ găl, pơhlom bruă pel ĕp, pơtŏng sit anŏ găl hơmâo pok pơhai tañ, hmao kru hăng tŭ yua./.